കളമശേരിയിൽ ഗുഡ്‌സ് ട്രെയിൻ പാളം തെറ്റി; ട്രെയിൻ ഗതാഗതം തടസപ്പെടും


 കൊച്ചി: കളമശേരിയിൽ ചരക്കുതീവണ്ടി പാളം തെറ്റി വൈദ്യുതി പോസ്റ്റിൽ ഇടിച്ചു. തുടർന്ന് ഷൊർണൂർ ഭാഗത്തേക്കുള്ള ട്രെയിൻ ഗതാഗതം തടസപ്പെട്ടു. കളമശേരിയിൽ നിന്നും സർവീസ് ആരംഭിക്കാനിരിക്കെയാണ് അപകടം ഉണ്ടായത്. അപകടത്തിൽ ആർക്കും പരിക്കില്ല. കളമശ്ശേരി റെയിൽവേ സ്റ്റേഷനിൽ ചരക്കു ട്രെയിൻ ഷണ്ടിങ് ചെയ്യുന്നതിനിടയിൽ റെയിൽപാളം അവസാനിക്കുന്ന ഭാഗത്തുള്ള ബാരിക്കേഡും ഇടിച്ചു മുന്നോട്ടു പോയി വൈദ്യുത പോസ്റ്റിൽ ഇടിക്കുകയായിരുന്നു.


അപകടത്തെ തുടർന്ന് ഷൊർണൂർ ഭാത്തേക്കുള്ള ഒറ്റവരി പാതയിലൂടെയുള്ള സർവീസ് തടസപ്പെട്ടു. ഉച്ചയ്ക്ക് 2.50നാണ് അപകടം ഉണ്ടായത്. കളമശേരിയിൽ നിന്ന് സർവീസ് ആരംഭിക്കാനിരിക്കെയായിരുന്നു പാളം തെറ്റിയത്. സർവീസ് എപ്പോൾ പുനഃ സ്ഥാപിക്കുന്നത് സംബന്ധിച്ച് വ്യക്തതയില്ല. ഗതാഗതം തടസപ്പെട്ടതിനെ തുടർന്ന് നിരവധി യാത്രക്കാർ ബുദ്ധിമുട്ടിലായി.


ഗുരുവായൂർ- എറണാകുളം പാസഞ്ചർ അങ്കമാലിയിൽ പിടിച്ചിട്ടിരിക്കുകയാണ്. തിരുവനന്തപുരം ഏറനാട് ആലുവയിൽ നിർത്തിയിട്ടു. തിരുവനന്തപുരം - ഇൻഡോർ വീക് ലി എക്‌സ് പ്രസ് 1.45 മണിക്കൂർ വൈകിയോടുന്നു

Previous Post Next Post