യൂത്ത് കോണ്ഗ്രസ് സംസ്ഥാന പ്രസിഡന്റായി ഒ.ജെ.ജനീഷിനെ പ്രഖ്യാപിച്ചു. ബിനു ചുള്ളിയിലാണ് വർക്കിംഗ് പ്രസിഡന്റ്.
ബിനു ചുള്ളിയിലിനെ യൂത്ത് കോണ്ഗ്രസ് വര്ക്കിങ് പ്രസിഡന്റായും നിയമിച്ചു. അബിൻ വര്ക്കി, കെഎം അഭിജിത്ത് എന്നിവരെ യൂത്ത് കോണ്ഗ്രസ് ദേശീയ സെക്രട്ടറിമാരായും തെരഞ്ഞെടുത്തു. 2023 മുതല് യൂത്ത് കോണ്ഗ്രസ് സംസ്ഥാന വൈസ് പ്രസിഡന്റാണ് ഒജെ ജനീഷ്.നീണ്ട തര്ക്കങ്ങള്ക്കൊടുവിലാണ് അഡ്വ. ഒജെ ജനീഷിനെ യൂത്ത് കോണ്ഗ്രസ് സംസ്ഥാന അധ്യക്ഷനായി നിയമിക്കുന്നത്.
തൃശൂര് സ്വദേശിയായ ജനീഷ് കെഎസ്യുവിലൂടെയാണ് രാഷ്ട്രീയത്തില് സജീവമാകുന്നത്. പെരുമ്ബാവൂര് പോളിടെക്നിക്കിലെ കെഎസ്യു യൂണിറ്റ് പ്രസിഡന്റായിരുന്നു. 2007ല് കെഎസ്യു മാള നിയോജകമണ്ഡലം പ്രസിഡന്റായും 2012ല് കെഎസ്യു തൃശൂര് ജില്ലാ വൈസ് പ്രസിഡന്റുമായി. 2017 കെഎസ്യു തൃശൂര് ജില്ലാ പ്രസിഡന്റായി. 2010 മുതല് 2012വരെ യൂത്ത് കോണ്ഗ്രസ് കൊടുങ്ങല്ലൂര് നിയോജകമണ്ഡലം വൈസ് പ്രസിഡന്റായിരുന്നു. 2020-23വരെ യൂത്ത് കോണ്ഗ്രസ് തൃശൂര് ജില്ലാ പ്രസിഡന്റായും പ്രവര്ത്തിച്ചു.