മുഖ്യമന്ത്രിയുടെ ​ഗൾഫ് പര്യടനത്തിന് അനുമതിയില്ല; നിഷേധിച്ച് വിദേശകാര്യ മന്ത്രാലയം

തിരുവനന്തപുരം: മുഖ്യമന്ത്രി  പിണറായി വിജയന്റെ ഗൾഫ് പര്യടനത്തിന് വിദേശകാര്യമന്ത്രാലയം അനുമതി നിഷേധിച്ചു. കാരണമൊന്നും വ്യക്തമാക്കാതെയാണ് അനുമതി നിഷേധിച്ചത്. വിദേശകാര്യ മന്ത്രാലയത്തിന്റെ അറിയിപ്പ് സംസ്ഥാന സർക്കാരിന് ലഭിച്ചു.

ഒക്ടോബർ 16 വ്യാഴാഴ്ച മുതൽ നവംബർ ഒൻപതുവരെയാണ് മുഖ്യമന്ത്രിയുടെ ​ഗൾഫ് പര്യടനം നിശ്ചയിച്ചിരുന്നത്. ഒക്ടോബർ 16-ന് ബഹ്‌റൈൻ, ഒക്ടോബർ 17-ന് സൗദി, ദമാം, ഒക്ടോബർ 18- ജിദ്ദ, ഒക്ടോബർ 19- റിയാദ് എന്നിങ്ങനെ ആയിരുന്നു സന്ദർശനം നിശ്ചയിച്ചിരുന്നത്.

ഒക്ടോബർ 24, 25 ദിവസങ്ങളിൽ ഒമാനിലെ മസ്‌ക്കറ്റിലേയും സലാലയിലേയും പരിപാടികളിൽ പങ്കെടുക്കാനും തീരുമാനിച്ചിരുന്നു. ഒക്ടോബർ 30-ന് ഖത്തറിലും നവംബർ ഏഴിന് കുവൈത്ത്, നവംബർ ഒൻപതിന് അബുദാബി- എന്നിങ്ങനെയുമായിരുന്നു സന്ദർശനം തീരുമാനിച്ചിരുന്നത്.