ദുബായ് ഇന്റര്നാഷണല് സ്റ്റേഡിയത്തില് രാത്രി എട്ടുമുതലാണ് മത്സരം.
നിലവിലെ ടി20 ലോക ചാംപ്യന്മാരും ഏഷ്യകപ്പിലെ നിലവിലെ ജേതാക്കളും ആയ ഇന്ത്യക്ക് തന്നെയാണ് ജയ സാധ്യത. എന്നാല് ഇരുരാജ്യങ്ങള്ക്കിടയില് സമീപകാലത്തെ പ്രശ്നങ്ങള് നിലനില്ക്കുന്ന സാഹചര്യത്തില് മത്സരം ഇരുടീമുകള്ക്കും അഭിമാന പോരാട്ടമാണ്. കണക്കിലും കളിയിലും ഇന്ത്യയെ വെല്ലാന് പാകിസ്ഥാന് കഴിയില്ലെങ്കിലും നിര്ണായക മത്സരങ്ങളില് അപ്രതീക്ഷിത പ്രകടനം നടത്താന് പാകിസ്ഥാന് ഇത്തവണയും കഴിഞ്ഞാല് ജയം പിടിച്ചെടുക്കാം. റാങ്കിങ്ങില് ആദ്യ അഞ്ചില് നിന്ന് പുറത്തായ ടീമില് നിന്ന് ഇത്തരമൊരു പ്രകടനം പ്രതീക്ഷിക്കാനാകുമോയെന്നാണ് ആരാധകരും ഉറ്റുനോക്കുന്നത്.
ഇത്തവണ ഇന്ത്യന് ടീമില് സീനിയര് താരങ്ങളായ കോഹ് ലിയുടെയും രോഹിത് ശര്മയുടെ അഭാവം കാണുമ്ബോള് പാക് ടീമിലും സമാനമായ സാഹചര്യമാണ്. ബാബര് അസം, മുഹമ്മസ് റിസ്വാന് എന്നിവരും ടീമിലില്ല. ഇരുടമീടിലെയും യുവനിരകള് തമ്മിലുള്ള പോരാട്ടമാണ് നടക്കുക.