767 പാര്ലമെന്റംഗങ്ങള് വോട്ട് രേഖപ്പെടുത്തിയ തെരഞ്ഞെടുപ്പില് രാധാകൃഷ്ണന് 452 വോട്ട് നേടി. മറുവശത്ത് 300 വോട്ടുകളാണ് സുദര്ശന് റെഡ്ഡിക്ക് കിട്ടിയത്. പുതിയ പാര്ലമെന്റ് മന്ദിരത്തില് ഇന്ന് രാവിലെ രാവിലെ പത്തു മുതല് വൈകിട്ട് അഞ്ചു വരെയാണ് വോട്ടെടുപ്പ് നടന്നത്.
ഉപരാഷ്ട്രപതിയായിരുന്ന ജഗദീപ് ധന്കര് കാലാവധി പൂര്ത്തിയാകുന്നതിന് മുന്പ് രാജിവെച്ച സാഹചര്യത്തിലാണ് തെരഞ്ഞെടുപ്പ് നടത്തേണ്ടി വന്നത്.
തമിഴ്നാട്ടില് നിന്നുള്ള തലമുതിർന്ന ബിജെപി നേതാവായ സി പി രാധാകൃഷ്ണൻ ആർഎസ്എസ്, ജനസംഘം എന്നിവയിലൂടെയാണ് പൊതുരംഗത്ത് എത്തിയത്. ബിജെപി തമിഴ്നാട് ഘടകം മുൻ പ്രസിഡന്റാണ്. തിരുപ്പൂർ സ്വദേശിയായ രാധാകൃഷ്ണൻ കോയമ്ബത്തൂരില്നിന്ന് രണ്ടു തവണ ലോക്സഭയിലേക്കു തെരഞ്ഞെടുക്കപ്പെട്ടിരുന്നു. 2020 മുതല് രണ്ടു വർഷം കേരളത്തിലെ ബിജെപിയുടെ പ്രഭാരിയായിരുന്നു. കയർ ബോർഡ് മുൻ ചെയർമാനാണ്. ഝാർഖണ്ഡ് ഗവർണർ സ്ഥാനത്തു നിന്നാണ് സിപി രാധാകൃഷ്ണൻ മഹാരാഷ്ട്ര ഗവർണറായത്.