മലപ്പുറം, കാസർകോട് സ്വദേശികളാണ് വെൻ്റിലേറ്ററില് തുടരുന്നത്. ഇവരുള്പ്പെടെ മെഡിക്കല് കോളേജില് അമീബിക് മസ്തിഷ്ക ജ്വരം ബാധിച്ച് ഒൻപത് പേരാണ് ചികിത്സയിലുള്ളത്. രോഗം സ്ഥിരീകരിച്ച താമരശ്ശേരി സ്വദേശിയായ ഏഴ് വയസുകാരനെ ആരോഗ്യനില മെച്ചപ്പെട്ടതിനെ തുടർന്ന് ഇന്നലെ ഡിസ്ചാർജ് ചെയ്തിരുന്നു. ഈ കുട്ടിയുടെ സഹോദരി ഉള്പ്പെടെ അഞ്ച് പേരാണ് കോഴിക്കോട് മെഡിക്കല് കോളേജില് ഒരു മാസത്തിനിടെ അമീബിക് മസ്തിഷ്ക ജ്വരം ബാധിച്ച് മരിച്ചത്. രോഗം നിയന്ത്രിക്കാൻ പ്രതിരോധ പ്രവർത്തനങ്ങള് ഊർജിതമാക്കുമ്ബോഴും ഓരോ ദിവസവും പുതിയ കേസുകള് റിപ്പോർട്ട് ചെയ്യുന്നതാണ് ആശങ്ക.