വൈക്കത്ത് ഓടിക്കൊണ്ടിരുന്ന കാറില്‍ നിന്ന് പുക, പിന്നാലെ തീ പിടിച്ചു; യാത്രക്കാര്‍ വാഹനം നിര്‍ത്തി പുറത്തിറങ്ങി രക്ഷപ്പെട്ടു

വൈക്കത്തിനടുത്ത് ചെമ്ബില്‍ ഓടികൊണ്ടിരുന്ന കാറിനു തീപിടിച്ച്‌ അപകടം. വൈക്കം ടിവി പുരം സ്വദേശികള്‍ സഞ്ചരിച്ച കാറാണ് കത്തിയത്.

കാറില്‍ നിന്നും പുക വരുന്നത് കണ്ട് യാത്രക്കാർ പുറത്തിറങ്ങിയതിനാല്‍ ഇവർ പരിക്കേല്‍ക്കാതെ രക്ഷപ്പെട്ടു. വിവരമറിഞ്ഞ് വൈക്കത്ത് നിന്നും ഫയർ ഫോഴ്സ് സ്ഥലത്തെത്തി തീയണച്ചു. എന്നാല്‍ അപ്പോഴേക്കും കാറിൻ്റെ മുൻഭാഗം ഏതാണ്ട് പൂർണമായും കത്തിയിരുന്നു.