"തോന്നിയതുപോലെ അവാർഡുകള്‍ നല്‍കി, ശേഷം നിങ്ങള്‍ വന്ന് വാങ്ങിച്ചുപൊക്കോണം എന്ന രീതിയിലാണ് ഇപ്പോഴത്തെ സമീപനം. അതെല്ലാം അംഗീകരിക്കാൻ സാധിക്കില്ല. എൻറെ അഭിനയത്തിന് അർഹതയുള്ള വിലയിരുത്തലായില്ല എന്നതില്‍ സംശയമില്ല," എന്ന് ഉർവശി പറഞ്ഞു. ഇന്ത്യൻ സിനിമയോടുള്ള തന്റെ പ്രതിബദ്ധതയെ സംശയപ്പെടുത്താനാവില്ലെന്നും, ദേശീയ അവാർഡിന്റെ താത്പര്യവും ഗൗരവവുമാണ് അവ സംരക്ഷിക്കേണ്ടതെന്നും അവർ കൂട്ടിച്ചേർത്തു.
ഇക്കാര്യത്തില്‍ കേന്ദ്രമന്ത്രിയായ സുരേഷ് ഗോപി ഇടപെടണമെന്ന് ഉർവശി ആവശ്യപ്പെട്ടു. സർക്കാരിന്റെ ഭാഗത്ത് നിന്ന് ഒരു വ്യക്തമായ വിശദീകരണം നല്‍കേണ്ട സമയമാണിതെന്നും, ഇത്തരം അവാർഡുകളുടെ വിശ്വാസ്യത നിലനിർത്താൻ ആവശ്യമായ നടപടികള്‍ എടുക്കണമെന്നും നടി വ്യക്തമാക്കി. ദേശീയ ചലച്ചിത്ര പുരസ്കാരങ്ങളുമായി ബന്ധപ്പെട്ട നിലപാടുകള്‍ക്ക് കടുത്ത വിമർശനങ്ങളാണ് സിനിമാപ്രേമികള്‍ക്കിട ഉയരുന്നത്.