കൊച്ചി: സംസ്ഥാനത്ത് സ്വർണവിലയിൽ തുടർച്ചയായ രണ്ടാം ദിവസവും ഇടിവ്. 40 രൂപ കുറഞ്ഞ് ഒരു പവൻ സ്വർണത്തിന്റെ വില 74,200 രൂപയിലെത്തി. ഗ്രാമിന് 5 രൂപയാണ് കുറഞ്ഞത്. 9275 രൂപയാണ് ഒരു ഗ്രാം സ്വർണത്തിന്റെ വില.
റെക്കോർഡുകൾ ഭേദിച്ച് കുതിച്ച സ്വർണവിലയിൽ കഴിഞ്ഞ ശനിയാഴ്ച മുതലാണ് ഇടിവ് രേഖപ്പെടുത്താൻ തുടങ്ങിയത്. എട്ടിന് രേഖപ്പെടുത്തിയ 75,760 രൂപയാണ് റെക്കോർഡ് ഉയരം. പിന്നീട് വില കുറഞ്ഞതല്ലാതെ വർധനവുണ്ടായില്ല.
കഴിഞ്ഞ മാസം 23ന് 75,000 കടന്ന് കുതിച്ച സ്വർണവില പിന്നീടുള്ള ദിവസങ്ങളിൽ താഴുന്ന കാഴ്ചയാണ് ദൃശ്യമായത്. 74,000ൽ താഴെ പോയ സ്വർണവിലയാണ് പിന്നീട് കുതിച്ച് ഉയർന്ന് പുതിയ ഉയരം കുറിച്ചത്.
ഈ മാസാദ്യം 73,200 രൂപയായിരുന്നു സ്വർണവില. ഒരാഴ്ചയ്ക്കിടെ 2500 രൂപയിലധികം വർധിച്ച ശേഷമാണ് ശനിയാഴ്ച മുതൽ കുറയാൻ തുടങ്ങിയത്. ഇന്ത്യയിൽ നിന്നുള്ള ഇറക്കുമതിക്ക് അമേരിക്ക തീരുവ വർധിപ്പിച്ചത് അടക്കമുള്ള ഘടകങ്ങളാണ് സ്വർണവിലയെ സ്വാധീനിക്കുന്നത്.