പുതുപ്പള്ളി പള്ളി പെരുന്നാളിനോടനുബന്ധിച്ചു ഇന്ത്യൻ റെഡ് ക്രോസ്സ് സൊസൈറ്റി എല്ലാ വർഷവും നടത്തി വരുന്ന പ്രഥമ ശ്രുശ്രൂഷാ കൗണ്ടറിന്റെ ഉദ്ഘാടനം പള്ളി വികാരി ഡോ. വർഗ്ഗീസ് വർഗ്ഗീസ് അച്ചൻ നിർവഹിച്ചു. ഇത്തവണ സ്റ്റാളിൽ വരുന്ന ഭാഗ്യശാലികൾക്ക് സമ്മാനവും കൊണ്ടുപോകാം. ഇന്ത്യൻ റെഡ് ക്രോസ് സൊസൈറ്റിയും മലയാള ശബ്ദം ന്യൂസും ചേർന്ന് ലോജിക് സ്കൂൾ ഓഫ് മാനേജ്മെന്റിന്റെയും ഡോ. അഗർവാൾസ് ഐ ഹോസ്പിറ്റലിന്റെയും സഹകരണത്തോടെ നടത്തുന്ന ലഹരിവിരുദ്ധ ക്വിസ് സ്റ്റാളിൽ നടത്തപ്പെടുന്നു. ഭാഗ്യശാലികളായ വിജയികൾക്ക് ആകർഷകമായ സമ്മാനങ്ങളും കാത്തിരിക്കുന്നുണ്ട്.
സ്റ്റാൾ ഉദ്ഘാടനത്തിന് റെഡ് ക്രോസ്സ് കോട്ടയം ജില്ലാ ചെയർമാൻ ശ്രീ. ജോബി തോമസ്, കോട്ടയം താലൂക്ക് ചെയർമാൻ ശ്രീ. വി. എ. മോഹൻദാസ്, താലൂക്ക് കമ്മിറ്റി അംഗങ്ങളായ ബിജു. പി. കുര്യൻ, ജെയിംസ് വർക്കി, മോഹൻ വർഗ്ഗീസ്, സി. ഐ. ജോർജ്ജ് കുട്ടി, രാജീവ്‌. എം. ആർ, പുതുപ്പള്ളി പള്ളി ട്രസ്റ്റി ജോൺ നെല്ലിശ്ശേരി എന്നിവർ സന്നിഹിതരായിരുന്നു.