വഴി തുറന്ന് വിഴിഞ്ഞം; വിഴിഞ്ഞം തുറമുഖം രാജ്യത്തിന് സമർപ്പിച്ച് പ്രധാനമന്ത്രി

തിരുവനന്തപുരം: പതിറ്റാണ്ടുകളായി കേരളം കാത്തിരുന്ന വിഴിഞ്ഞം തുറമുഖ കമ്മീഷനിംഗ്  പ്രധാനമന്ത്രി നരേന്ദ്ര മോദി നിർവഹിച്ചു. രാവിലെ 11.30നാണ് തുറമുഖം രാജ്യത്തിന് സമർപ്പിച്ചത്. അഭിമാനമൂഹൂർത്തത്തിനാണ് കേരളം സാക്ഷ്യം വഹിച്ചത്. രാജ്യത്തിന്റെ വികസനകവാടമാണ് വിഴിഞ്ഞത്തിലൂടെ തുറക്കുന്നത്.  

സ്വാ​ഗതപ്രസം​ഗത്തിൽ തുറമുഖ മന്ത്രി വിഎൻ വാസവൻ മുഖ്യമന്ത്രി പിണറായി വിജയനെ വിഴിഞ്ഞം തുറമുഖശിൽപ്പി എന്ന് വിശേഷിപ്പിച്ചാണ് സ്വാ​ഗതം ചെയ്തത്. 

ഇന്നലെ രാത്രി തിരുവനന്തപുരത്ത് എത്തിയ പ്രധാനമന്ത്രി നരേന്ദ്ര മോദിയെ മുഖ്യമന്ത്രി പിണറായി വിജയൻ സ്വീകരിച്ചു. രാജ്ഭവനിലാണ് ഇന്നലെ പ്രധാനമന്ത്രി തങ്ങിയത്.