നാസിക്: എട്ടാം ക്ലാസുകാരുടെ ബാഗില്‍ നിന്ന് കണ്ടെത്തിയത് ഗർഭനിരോധന ഉറകളും സൈക്കിള്‍ ചെയിനും കത്തിയും ചീട്ടും.
നാസിക്കിലെ ഒരു സ്കൂളില്‍ പ്രിൻസിപ്പലിന്റെ പരിശോധനക്കിടെയാണ് എട്ടാം ക്ലാസുകാരന്റെ ബാഗില്‍ നിന്നും ഇവയെല്ലാം കണ്ടെത്തിയത്. അപ്രതീക്ഷിതമായാണ് നാസിക് സ്കൂളില്‍ വിദ്യാർഥികളുടെ ബാഗുകള്‍ പരിശോധിച്ചത്.
സ്കുളില്‍ നടത്തിയ പരിശോധനയുടെ ദൃശ്യങ്ങള്‍ സമൂഹമാധ്യമങ്ങളിലൂടെ പ്രചരിക്കുന്നുണ്ട്. രാജി മാജി എന്ന എക്സ് അക്കൗണ്ടിലൂടെയാണ് ദൃശ്യങ്ങള്‍ പ്രചരിക്കുന്നത്. ഗോട്ടിയിലെ ഒരു സ്വകാര്യ സ്കൂളിലാണ് പരിശോധന നടന്നത്. കുട്ടികളുടെ അസാധാരണമായ ഹെയർ സ്റ്റൈല്‍ കണ്ടാണ് അധ്യാപകർ പരിശോധന നടത്തിയത്. തുടർന്ന് കുട്ടികളുടെ ബാഗില്‍ നിന്നും കത്തിയും സൈക്കിള്‍ ചെയിനും ഗർഭനിരോധന ഉറകള്‍ പോലുള്ളവയും കണ്ടെത്തുകയായിരുന്നു.
കുട്ടികളില്‍ നിന്നും മയക്കുമരുന്ന് പിടിച്ചെടുത്തിട്ടുണ്ടെന്നും റിപ്പോർട്ടുണ്ട്. അതേസമയം, ഒരു കുട്ടിയുടെ ബാഗില്‍ നിന്ന് മാത്രമല്ല ഇത്തരം വസ്തുക്കള്‍ ലഭിച്ചതെന്ന് സ്കൂള്‍ വൈസ് പ്രിൻസിപ്പില്‍ പറഞ്ഞു. പല കുട്ടികളുടേയും ബാഗുകളില്‍ ഇത്തരം വസ്തുക്കള്‍ ഉണ്ടായിരുന്നു. അതേസമയം, കുട്ടികളുടെ ബാഗ് പരിശോധിക്കാനുള്ള സ്കൂള്‍ അധികൃതരുടെ നടപടിയെ കുട്ടികളുടെ രക്ഷിതാക്കള്‍ സ്വാഗതം ചെയ്തു.