പോക്സോ കേസ് പ്രതിയായ യുവ പാസ്റ്ററെ മൂന്നാറില്‍ നിന്ന് കോയമ്ബത്തൂർ പൊലീസ് അറസ്റ്റ് ചെയ്തു. കോയമ്ബത്തൂര്‍ കിങ്സ് ജനറേഷൻ ചര്‍ച്ച്‌ പാസ്റ്ററായ ജോണ്‍ ജെബരാജ്‌ (37) ആണ്‌ അറസ്റ്റിലായത്.
പ്രായപൂർത്തിയാകാത്തരണ്ടു പെണ്‍കുട്ടികളെ ബലാത്സംഗം ചെയ്തെന്നാണ് കേസ്. കേസെടുത്തതിന് പിന്നാലെ ഒളിവില്‍ പോയിരുന്നു.
ന്യൂ ജൻ ആരാധന രീതികളിലൂടെ യുവാക്കള്‍ക്കിടയില്‍ ശ്രദ്ധേയനായിരുന്നു. പ്രതിയെ പൊലീസ് കോയമ്ബത്തൂരിലെത്തിച്ചു. 2024 മെയിലിലാണ് കേസിനാസ്പദമായ സംഭവം.കോയമ്ബത്തൂരിലെ വീട്ടില്‍ നടന്ന പ്രാര്‍ത്ഥന ചടങ്ങിനെത്തിയ രണ്ടു പ്രായപൂര്‍ത്തിയാകാത്ത പെണ്‍കുട്ടികള്‍ക്കുനേരെ ലൈംഗികാതിക്രമം നടത്തിയെന്നാണ് പരാതി.
11 മാസങ്ങള്‍ക്കുശേഷമാണ് പരാതിയുമായി പെണ്‍കുട്ടികളുടെ ബന്ധുക്കളെത്തിയത്. 17കാരിയെയും14കാരിയെയും ലൈംഗികാതിക്രമം നടത്തിയെന്നാണ് പരാതി. കേസെടുത്തതിന് പിന്നാലെ ഒളിവില്‍ പോയ ഇയാളെ ഇന്നലെയാണ് മൂന്നാറില്‍ നിന്ന് പൊലീസ് പിടികൂടിയത്.കോയമ്ബത്തൂരിലെ കിങ്സ് ജനറേഷൻ സഭയിലെ പാസ്റ്ററാണ് 37കാരനായ ഇയാള്‍.