ഞങ്ങള്‍ ഒരേ വീട്ടിലല്ല താമസം, അതുകൊണ്ട് ഒരേ മേല്‍വിലാസങ്ങള്‍ ഉണ്ടാകണമെന്നില്ല, പക്ഷേ ഞങ്ങള്‍ വിവാഹിതരാണ്. സന്തോഷത്തോടെ ദാമ്ബത്യജീവിതം നയിക്കുന്നു.
പുതിയ ട്രെന്റായ 'ലിവിംഗ് അപ്പാര്‍ട്ട് ടുഗദര്‍' (എല്‍എടി) എന്ന ഈ ജീവിതരീതി ഇന്ത്യയിലും കൂടുതല്‍ ശ്രദ്ധനേടുന്നു. വിവാഹം കഴിക്കാതെ ആണും പെണ്ണും ഒരുമിച്ച്‌ താമസിക്കുന്ന 'ലിവിംഗ് ടുഗദര്‍' എല്ലാവര്‍ക്കും പരിചിതമായ ഒരു ജീവിതരീതിയാണ്. എന്നാല്‍ ഈ ആധുനിക ദമ്ബതികള്‍ വിവാഹിതരാണെങ്കിലും തങ്ങളുടെ ഇഷ്ടവും താല്പര്യവുമാനുസരിച്ച്‌ രണ്ട് അപ്പാര്‍ട്ട്‌മെന്റില്‍ താമസിക്കുകയും ജീവിക്കുകയും ചെയ്യുന്നു.
സ്വാതന്ത്ര്യത്തിലും സമത്വത്തിലും വ്യക്തിസ്വാതന്ത്ര്യത്തിലും വിശ്വസിക്കുന്ന ആധുനിക സാമൂഹികക്രമത്തില്‍ മറ്റൊരാളുടെ ഇഷ്ടത്തിന് വേണ്ടി സ്വന്തം ഇഷ്ടങ്ങള്‍ മാറ്റിവയ്ക്കാന്‍ അധികമാര്‍ക്കും താല്പര്യമില്ല. അതു കൊണ്ടു തന്നെ പരസ്പരം പൊരുത്തപ്പെട്ട് ജീവിക്കാന്‍ കഴിയാത്ത ദമ്ബതികള്‍ വേര്‍പിരിയലിനു പകരം തെരഞ്ഞെടുക്കുന്ന ജീവിതമാണ് ലിവിംഗ് അപ്പാര്‍ട്ട്‌മെന്റ്.
പാശ്ചാത്യ രാജ്യങ്ങളില്‍ വിവാഹിതരായ ദമ്ബതികള്‍ക്കിടയില്‍ വളര്‍ന്നുവരുന്ന ഈ പ്രവണത ഇന്ത്യയിലും ശക്തമാകുകയാണ്. ജീവിതം നിലനിര്‍ത്തുന്നതിനായി ദമ്ബതികള്‍ മനഃപൂര്‍വ്വം സഹവാസം ഒഴിവാക്കുന്നതിനെയാണ് ഇത് സൂചിപ്പിക്കുന്നത്. ദമ്ബതികള്‍ തമ്മിലുള്ള ആശയപ്പൊരുത്തമില്ലായ്മയില്‍ ഒരാളെ മറ്റൊരാള്‍ സഹിച്ചു ജീവിക്കുന്നതിന് പകരം സ്വന്തം താല്പര്യങ്ങള്‍ക്ക് അനുസൃതമായി ജീവിതം നയിക്കുകയും അതേസമയം പരസ്പരം വിവാഹിതര്‍ എന്ന നിലയില്‍ ഉത്തരവാദിത്വത്തോടെ തുടരാനും കഴിയും.
ലിവിംഗ് അപ്പാര്‍ട്ട്‌മെന്റ് ടുഗദര്‍ ദമ്ബതികളില്‍, ശാരീരിക അകലം ഒരു യാഥാര്‍ത്ഥ്യമാണ്, എന്നാല്‍ അവര്‍ പ്രണയപരമായും വൈകാരികമായും പരസ്പരം പ്രതിബദ്ധത പുലര്‍ത്തുന്നു. ദമ്ബതികള്‍ ഒരുമിച്ച്‌ ജീവിക്കണമെന്ന് നിര്‍ദ്ദേശിക്കുന്ന പരമ്ബരാഗത മാനദണ്ഡത്തെ എല്‍എടി വെല്ലുവിളിക്കുന്നു, ദമ്ബതികള്‍ക്ക് ഒരേ കെട്ടിടത്തിലോ ഒരേ ഹൗസിംഗ് സൊസൈറ്റിയിലോ വ്യത്യസ്ത നഗരങ്ങളിലോ പോലും ജീവിക്കാന്‍ കഴിയും.
ഒത്തുകൂടാന്‍ പ്രത്യേക ദിവസങ്ങളോ വാരാന്ത്യങ്ങളോ സജ്ജീകരിക്കുക, ഔട്ടിംഗുകള്‍ക്ക് പോകുക, അല്ലെങ്കില്‍ അവധിക്കാലം ചെലവഴിക്കുക എന്നിങ്ങനെയുള്ളയുള്ള കാര്യങ്ങളില്‍ അവര്‍ പരസ്പരം യോജിക്കുന്നു. വേര്‍പിരിയലില്‍ നിന്ന് വ്യത്യസ്തമായി, ഈ ദമ്ബതികള്‍ ആശയ വിനിമയം നടത്തുകയും പ്രതിബദ്ധത പുലര്‍ത്തുകയും ചെയ്യുന്നു.