വൈകിട്ടോടെ ഭാരതപ്പുഴയില് കുളിക്കാൻ ഇറങ്ങിയ നാലംഗം കുടുംബം ഒഴുക്കില്പ്പെട്ടു. ഭാര്യയും ഭര്ത്താവും ഇവരുടെ മകളും ബന്ധുവായ 12കാരനുമാണ് അപകടത്തില്പ്പെട്ടത്.
അപകടത്തില്പ്പെട്ട സ്ത്രീയെ പുറത്തെത്തിച്ചു. മറ്റു മൂന്നുപേര്ക്കായി തെരച്ചില് ആരംഭിച്ചു. ചെറുതുരുത്തി സ്വദേശികളായ കബീര്, ഭാര്യ റെയ്ഹാന, ഇവരുടെ മകളായ പത്തുവയസുകാരി സെറ, കബീറിന്റെ സഹോദരിയുടെ മകൻ 12കാരൻ സനു എന്ന് വിളിക്കുന്ന ഹയാൻ എന്നിവരാണ് ഒഴുക്കില്പ്പെട്ടത്.
നാലുപേരും ഒഴുക്കില്പ്പെട്ടത് കണ്ട് സമീപത്തുണ്ടായിരുന്നവരാണ് രക്ഷാപ്രവര്ത്തനം നടത്തിയത്. തുടര്ന്ന് റെഹാനയെ പുറത്തെത്തിച്ച് ആശുപത്രിയിലേക്ക് മാറ്റുകയായിരുന്നു. രണ്ടു കുട്ടികള്ക്കും കബീറിനും വേണ്ടിയുള്ള തെരച്ചില് ആണ് നടക്കുന്നത്. ഫയര്ഫോഴ്സും നാട്ടുകാരും ചേര്ന്നാണ് തെരച്ചില് നടത്തുന്നത്. ചെറുതുരുത്തി സ്വദേശികളായ ഇവര്ക്ക് പരിചതമായ സ്ഥലമാണെങ്കിലും അപ്രതീക്ഷിതമായി ഒഴുക്കില്പ്പെടുകയായിരുന്നുവെന്നാണ് കരുതുന്നത്.