മഹാകുംഭമേള നടക്കുന്നിടത്ത് തീപ്പിടിത്തം; നിരവധി ടെന്റുകള്‍ കത്തിനശിച്ചു, ആളപായമില്ല.

ഉത്തർപ്രദേശില്‍ മഹാകുംഭമേള നട ക്കുന്നിടത്ത് തീപ്പിടിത്തം. ടെന്റുകള്‍ക്കുള്ളിലെ രണ്ട് ഗ്യാസ് സിലിണ്ടറുകള്‍ പൊട്ടിത്തെറിച്ചതാണ് അപകടകാരണമെന്നാണ് വിവരം.

തീപ്പിടിത്തത്തില്‍ ഒട്ടേറെ ടെന്റുകള്‍ കത്തിനശിച്ചു. അപകടത്തില്‍ ആർക്കും പരിക്കുകളില്ലെന്നാണ് പുറത്തുവരുന്ന റിപ്പോർട്ടുകള്‍.

പ്രദേശത്ത് ഇപ്പോഴും തീ അണയ്ക്കാനുള്ള ശ്രമങ്ങള്‍ തുടരുകയാണെന്ന് ഉദ്യോഗസ്ഥർ അറിയിച്ചു. പരിസരത്തെ ടെന്റുകളില്‍ നിന്ന് ആളുകളെ സുരക്ഷിതമായ സ്ഥലത്തേക്ക് മാറ്റിപ്പാർപ്പിച്ചിട്ടുണ്ടെന്നും അധികൃതർ അറിയിച്ചു.