ഗുണ്ടാ ലിസ്റ്റില്‍ ഉള്‍പ്പെട്ടയാളുടെ അച്ഛന്റെ കൈയില്‍ നിന്ന് കൈക്കൂലി വാങ്ങിയ പൊലീസുകാരനു സസ്‌പെൻഷൻ.
തിരുവനന്തപുരം മ്യൂസിയം പൊലീസ് സ്റ്റേഷനില്‍ ജോലി ചെയ്യുന്ന ഷബീറിനെയാണ് സസ്പെൻഡ് ചെയ്തത്.
മുൻപ് തുമ്ബാ പൊലീസ് സ്റ്റേഷനില്‍ ജോലി ചെയ്തിരുന്ന സമയത്ത് അവിടെ ഗുണ്ടാ ലിസ്റ്റില്‍ ഉള്‍പ്പെട്ടയാളുടെ അച്ഛനോട് 2000 രൂപ ഗൂഗിള്‍ പേ വഴി കൈക്കൂലി വാങ്ങിയിരുന്നു. പിന്നാലെ അന്വേഷണ വിധേയമായി ഇയാളെ മ്യൂസിയം സ്റ്റേഷനിലേക്ക് സ്ഥലം മാറ്റുകയായിരുന്നു . എന്നാല്‍ ഷബീർ തൻ്റെ ക്രിമിനല്‍ ബന്ധം തുടർന്നുവെന്നു സ്പെഷല്‍ ബ്രാഞ്ച് കണ്ടെത്തി. തുടർന്നാണ് സസ്‌പെൻഷൻ.
കെ റെയില്‍ സമര കാലത്ത് മംഗലപുരത്ത് സമരക്കാരെ ചവിട്ടി വീഴ്ത്തിയ സംഭവത്തില്‍ ഇയാളെ സർവീസില്‍ നിന്ന് സസ്പെൻഡ് ചെയ്തിരുന്നു.