ഇന്ത്യന് സമയം വൈകിട്ട് നാലരയോടെ പോളിങ് ആരംഭിക്കും. ഡെമോക്രാറ്റിക് പാര്ട്ടി സ്ഥാനാര്ഥി കമല ഹാരിസും റിപ്പബ്ലിക്കന് സ്ഥാനാര്ഥി ഡോണള്ഡ് ട്രംപും പോരാട്ടത്തില് വിധിയെഴുതാന് ഇഞ്ചോടിഞ്ച് പൊരുതുകയാണ്. അവസാന മണിക്കൂറുകളില് ഇടവേളകളില്ലാതെ ഇരുവരും വോട്ടര്ഭ്യര്ഥിച്ചു.
ഏഴ് സ്വിങ് സ്റ്റേറ്റുകളാണ് യുഎസ് ആര് ഭരിക്കുമെന്ന് തീരുമാനിക്കുന്നത്. മറ്റ് സ്റ്റേറ്റുകളെല്ലാം തന്നെ പാരമ്ബര്യമായി രണ്ടിലൊരു പാര്ട്ടിയെ പിന്തുണക്കുന്നവരാണ്. എന്നാല് സ്വിങ് സ്റ്റേറ്റുകളില് ചാഞ്ചാട്ടമുണ്ടാകും. അരിസോണ, ജോര്ജിയ, മിഷിഗണ്, നെവാഡ, നോര്ത്ത് കരോലിന, പെന്സില്വാനിയ, വിസ്കോണ്സിന് എന്നീ ഏഴ് സംസ്ഥാനങ്ങളാണ് സ്വിങ് സ്റ്റേറ്റുകള്. ഇവിടെയാണ് പോരാട്ടം.
പെന്സില്വാനിയ കേന്ദ്രീകരിച്ചായിരുന്നു അവസാനവട്ട പ്രചരണങ്ങള്. അവിടെ മാത്രം അഞ്ചോളം റാലികളാണ് ഇരുവരും നടത്തിയത്. ഒരു വന് വിജയമുണ്ടാകുമെന്ന ആത്മവിശ്വാസത്തിലാണ് ട്രംപ് ക്യാമ്ബ്. പരമാവധി വോട്ടര്മാരെ ബൂത്തുകളില് എത്തിച്ച് വിജയം ഉറപ്പിക്കാന് കഴിയും എന്ന പ്രതീക്ഷയിലാണ് കമല ഹാരിസ്.
ജനകീയവോട്ടിനെക്കാള് ഇലക്ടറല് കോളജ് വോട്ടാണ് നിര്ണായകം. 538 അംഗ ഇലക്ടറല് കോളജില് 270 ആണ് കേവലഭൂരിപക്ഷം. ഈ മാന്ത്രികസംഖ്യ ഉറപ്പാക്കാന് നിര്ണായകസംസ്ഥാനങ്ങളില് ശക്തമായ അവസാനവട്ട പ്രചാരണത്തിലാണ് രണ്ട് സ്ഥാനാര്ത്ഥികളും.