സൂപ്പർ മൊബൈല് ആപ്ലിക്കേഷൻ' അഥവാ 'സൂപ്പർ ആപ്' ഈ വർഷം അവസാനത്തോടെ റെയില്വേ പുറത്തിറക്കുമെന്നാണ് ദേശീയ മാധ്യമങ്ങള് റിപ്പോർട്ട് ചെയ്യുന്നത്. സെന്റർ ഫോർ റെയില്വേ ഇൻഫർമേഷൻ സിസ്റ്റംസ് ആണ് ആപ് വികസിപ്പിച്ചത്.
റെയില്വേയുടെ വരുമാനം വർധിപ്പിക്കാനുള്ള വഴിയായും സൂപ്പർ ആപ്പിനെ ഉപയോഗപ്പെടുത്തും. 2023-24 സാമ്ബത്തിക വർഷത്തില് ഐആർസിടിസി 1111.26 കോടി രൂപ അറ്റാദായവും 4270.18 കോടി രൂപ വരുമാനവുമാണു നേടിയത്. റെയില്വേയ്ക്കു 45.3 കോടി ബുക്കിങ് ഉള്ളതിനാല്, മൊത്തം വരുമാനത്തിന്റെ 30.33 ശതമാനവും ടിക്കറ്റ് വില്പ്പനയില് നിന്നാണ് എന്നതും ആപ് വികസിപ്പിക്കുന്നതിനുള്ള പ്രധാന കാരണമാണ്.
സൂപ്പർ ആപ്പിന്റെ പ്രത്യേകതകള്
∙ ടിക്കറ്റ് ബുക്ക് ചെയ്യാനും പ്ലാറ്റ്ഫോം ടിക്കറ്റ് വാങ്ങാനും ട്രെയിൻ ഷെഡ്യൂള് നോക്കാനും സാധിക്കും
∙ ഐആർസിടിസിയുടെ (ഇന്ത്യൻ റെയില്വേ കാറ്ററിങ് ആൻഡ് ടൂറിസം കോർപറേഷൻ) നിലവിലുള്ള സംവിധാനങ്ങളുമായി സംയോജിപ്പിച്ചാകും പ്രവർത്തനം.
∙ ഐആർസിടിസി റെയില് കണക്റ്റ് (ടിക്കറ്റ് ബുക്കിങ്ങിന്), ഐആർസിടിസി ഇ-കാറ്ററിങ് ഫുഡ് ഓണ് ട്രാക്ക് (ഭക്ഷണം എത്തിക്കുന്നതിന്), റെയില് മദദ് (ഫീഡ്ബാക്കിന്), റിസർവ് ചെയ്യാത്ത ടിക്കറ്റിങ് സിസ്റ്റം, ട്രെയിൻ ട്രാക്കിങ്ങിനുള്ള സംവിധാനം എന്നിവയും ഈ ആപ്പിലുണ്ടാകും.