വീടിനുള്ളില് അവശ നിലയില് കണ്ടെത്തിയ യുവാവ് മരിച്ചു. കിള്ളി പങ്കജകസ്തൂരി ആശുപത്രിക്കടുത്ത് താമസിക്കുന്ന ദർശൻ (38) ആണ് മരിച്ചത്.
വീട്ടുകാർ വിളിച്ചിട്ടും വാതില് തുറക്കാതെ വന്നതോടെ സുഹൃത്തുക്കളെത്തി വാതില് ചവിട്ടിപ്പൊളിക്കുകയായിരുന്നു. ഉടനെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. വായില് നിന്ന് നുര വന്ന് അവശനിലയില് കട്ടിലില് കിടക്കുകയായിരുന്നു ദർശൻ. കാട്ടാക്കടയിലെ സ്വകാര്യ ആശുപത്രിയിലെത്തിച്ചപ്പോള് ജീവനുണ്ടായിരുന്നു. വൈകുന്നേരത്തോടെ മരണം സ്ഥിരീകരിച്ചു. കാട്ടാക്കടയില് തന്നെ അറിയപ്പെടുന്ന ക്യാമറമാനായിരുന്നു ദർശൻ. ഇവൻ്റുകള് നടത്തുന്ന ജോലിയിലും ഏർപ്പെട്ടിരുന്നു.