വയനാട് മുണ്ടക്കൈയിലുണ്ടായ ഉരുള്പൊട്ടലില് മരിച്ചവരുടെ എണ്ണം പതിനൊന്നായി ഉയര്ന്നു. ഇതില് രണ്ടു പേര് കുട്ടികളാണ്.
നിരവധി പേരെ പരിക്കുകളോടെ മേപ്പാടി വിംസ് ആശുപത്രിയിലേക്ക് മാറ്റി.മുണ്ടക്കൈയില് മാത്രം നാനൂറോളം കുടുംബങ്ങളാണുള്ളത്. അട്ടമലയിലെ വീടുകളെല്ലാം ഒലിച്ചുപോയെന്ന് രക്ഷാപ്രവര്ത്തകര് പറഞ്ഞു. ഉരുള്പൊട്ടലില് ചൂരല്മല വെള്ളാര്മല ജിവിഎച്ച്എസ്എസ് സ്കൂള് ഒലിച്ചുപോയി. അപകടത്തില്പെട്ടവരുടെ ചികിത്സ ഉറപ്പാക്കാൻ കോഴിക്കോട് മെഡിക്കല് കോളേജില് പ്രത്യേക സൗകര്യങ്ങള് ഒരുക്കി.
കാഷ്വാലിറ്റിയില് കൂടുതല് ഡോക്ടർമാരെ നിയോഗിച്ചു. അവധിയില് ഉള്ളവരോട് തിരികെ ജോലിയില് എത്താൻ നിർദേശം നല്കി. അപകടം നടന്ന ഭാഗത്ത് നിരവധി ഹോം സ്റ്റേകളും പ്രവര്ത്തിക്കുന്നുണ്ട്. അട്ടമല ഭാഗത്ത് ഉള്പ്പെടെയാണ് ഹോം സ്റ്റേകള് പ്രവര്ത്തിക്കുന്നത്. ഇവിടങ്ങളില് താമസിച്ചിരുന്ന വിനോദ സഞ്ചാരികളെ ഉള്പ്പെടെ കാണാതായതായി വിവരം ഉണ്ട്. രണ്ട് ഡോക്ടര്മാരെയും കാണാതായതായി വിവരമുണ്ട്.