സ്വകാര്യ ആവശ്യത്തിന് എസ്‌ഐ ഗോകുലിന് ഒരാഴ്ചത്തെ അവധി അനുവദിച്ചു. ഹോസ്റ്റല്‍ മര്‍ദ്ദനത്തില്‍ എസ്‌ഐക്കെതിരെ വകുപ്പ്തല നടപടിയുണ്ടാകും. അമിത്ഷാക്കെതിരായ യൂത്ത് കോണ്‍?ഗ്രസിന്റെ കരിങ്കൊടി പ്രതിഷേധത്തില്‍ കൊല്ലം കമ്മീഷണറോട് എഡിജിപി വിശദീകരണം തേടി. അതേസമയം, തലസ്ഥാനത്ത് എസ്‌എഫ്‌ഐ കേരള പൊലീസ് പോര് മുറുകുകയാണ്. കന്റോണ്‍മെന്റ് സ്റ്റേഷന് എസ് ഐ ഗോകുലിനെയും സി ഐ സന്തോഷ്‌കുമാറിനെയും മാറ്റണെമെന്ന ആവശ്യത്തില്‍ ഉറച്ച്‌ നില്‍ക്കുകയാണ് എസ് എഫ് ഐ. ഒക്ടോബര്‍ 10നുള്ളില്‍ ഇതില്‍ തീരുമാനം എടുത്തില്ലെങ്കില്‍ കന്റോണ്‍മെന്റ് സ്റ്റേഷന് മുന്നില്‍ അനിശ്ചിതകാല സമരത്തിന് ആഹ്വാനം ചെയ്തിരിക്കുകയാണ് എസ് എഫ് ഐ.