പ്രീപെയ്‌ഡ്‌ റീചാർജ് വിഭാഗത്തിലെ ആദ്യ ഓപ്ഷനായിരിക്കണം ഈ വിഭാഗം. കമ്പനികളുടെ പ്രത്യേക വില്‍പ്പന കേന്ദ്രങ്ങളിലും ഈ പ്ലാനുകള്‍ വ്യക്തമായി പ്രദർശിപ്പിക്കണം. നിർദേശം നടപ്പാക്കാൻ ടെലികോം കമ്പനികള്‍ക്ക് 30 ദിവസത്തെ സമയമാണ് ട്രായ് നല്‍കിയിരിക്കുന്നത്.
ഉപഭോക്താക്കളുടെ പരാതികളെ തുടർന്നാണ് ട്രായ് ഇക്കാര്യത്തില്‍ ഇടപെട്ടത്. ആവശ്യമായ റീചാർജ് പ്ലാനുകള്‍ കണ്ടെത്താൻ പല കമ്പനികളുടെയും വെബ്സൈറ്റുകളിലും ആപ്പുകളിലും നിരവധി പേജുകള്‍ പരിശോധിക്കേണ്ട സാഹചര്യമുണ്ടെന്ന് പരാതികള്‍ ഉയർന്നിരുന്നു. ട്രായ് നടത്തിയ പരിശോധനയിലും നിർബന്ധിത പ്ലാനുകള്‍ പലപ്പോഴും മറ്റ് വിഭാഗങ്ങള്‍ക്കുള്ളില്‍ ഒളിപ്പിച്ചുവെച്ചിരിക്കുന്നതായി കണ്ടെത്തി.പ്രത്യേകിച്ച്‌ കുറഞ്ഞ നിരക്കിലുള്ള പ്ലാനുകള്‍ തേടുന്ന ഉപഭോക്താക്കള്‍ക്ക് പുതിയ നിർദേശം സഹായകരമാകുമെന്നാണ് ട്രായ് വിലയിരുത്തുന്നത്. മൊബൈല്‍ ഡാറ്റയുടെ ഉപയോഗം കുറവുള്ളവർ, ഗ്രാമപ്രദേശങ്ങളിലെ ഉപഭോക്താക്കള്‍, ഫീച്ചർ ഫോണ്‍ ഉപയോഗിക്കുന്നവർ തുടങ്ങിയവർക്ക് ഇത്തരം പ്ലാനുകള്‍ കൂടുതല്‍ പ്രയോജനപ്പെടും.
നിലവിലെ ട്രായ് നിയമങ്ങള്‍ പ്രകാരം ഓരോ ടെലികോം കമ്പനിയും കുറഞ്ഞത് ഒരു പ്ലാൻ വൗച്ചർ, ഒരു പ്രത്യേക താരിഫ് വൗച്ചർ, ഒരു കോംബോ വൗച്ചർ എന്നിവ നല്‍കണം. ഇവയ്ക്ക് 30 ദിവസത്തെ കാലാവധി ഉണ്ടായിരിക്കണം. ഓരോ മാസവും ഒരേ തീയതിയില്‍ പുതുക്കാൻ കഴിയുന്ന രീതിയിലും ഈ പ്ലാനുകള്‍ ലഭ്യമാക്കണം.
ഇതിന് പുറമെ മൊബൈല്‍ ഡാറ്റ ഉള്‍പ്പെടുത്താത്ത, കോളുകള്‍ക്കും സന്ദേശങ്ങള്‍ക്കും മാത്രമുള്ള പ്രത്യേക താരിഫ് വൗച്ചറുകളും കമ്പനികള്‍ നല്‍കണം. ഡാറ്റ ആവശ്യമില്ലാത്ത ഉപഭോക്താക്കള്‍ക്ക് കുറഞ്ഞ ചെലവില്‍ മൊബൈല്‍ സേവനം ഉപയോഗിക്കാൻ ഇത്തരം പ്ലാനുകള്‍ സഹായിക്കും.