എംപവേഡ് കമ്മിറ്റിയുടെ റിപ്പോര്ട്ട് മന്ത്രിസഭായോഗം വീണ്ടും പരിഗണിക്കും. കേരളത്തിന്റെ ഒരു താല്പ്പര്യവും ബലി കഴിച്ചുകൊണ്ടുള്ള ഒരു തീരുമാനവും സംസ്ഥാന സര്ക്കാര് സ്വീകരിക്കില്ല. വിഴിഞ്ഞം തുറമുഖത്തിന്റെ ഉടമസ്ഥാവകാശം സര്ക്കാരിനാണ്. അദാനി ഗ്രൂപ്പ് ഓപ്പറേറ്റര് മാത്രമാണ്. സര്ക്കാരിന്റെ മുന്കൂര് അനുമതിയില്ലാതെ ഓഹരി കൈമാറ്റം നടത്താന് കഴിയില്ല. ഒരു ഓഹരി കൈമാറ്റവും നടന്നിട്ടില്ല. കണ്സെഷന് എഗ്രിമെന്റില് അദാനി ഡെവലപ്പ്മെന്റും, ഓപ്പറേഷനും നടത്താന് വേണ്ടി മാത്രമുള്ള പാര്ട്ടി മാത്രമാണ്. സര്ക്കാരിന്റെ അനുവാദമില്ലാതെ ഒരു ഷെയറും ട്രാന്സ്ഫര് ചെയ്യാന് സാധിക്കില്ലെന്ന് കരാറിലുണ്ടെന്ന് മുഖ്യമന്ത്രി പറഞ്ഞു.