ഇത്തവണ ബ്രസീലിന്റെ ലോകകപ്പ് സ്ക്വാഡില് നെയ്മര് ഉണ്ടാവില്ലെന്നായിരുന്നു പ്രതീക്ഷിക്കപ്പെട്ടത്. കാരണം പരിക്കുകള് കാരണം അദ്ദേഹം ദീര്ഘകാലമായി കളത്തിനു പുറത്തായിരുന്നു. പൂര്ണ ഫിറ്റ്നസിലേക്കു എത്താതിരുന്നിട്ടും കോച്ച് കാര്ലോ ആന്സലോട്ടി നെയ്മറുടെ അനുഭവ സമ്പത്തില് വിശ്വാസമര്പ്പിച്ച് ഒപ്പം കൂട്ടുകയായിരുന്നു.നോര്വേയ്ക്കെതിരേയുള്ള കളി കഴിഞ്ഞതിനു പിന്നാലെയാണ് വളരെ വികാരധീനനായി നെയ്മര് വിരമിക്കല് പ്രഖ്യാപിച്ചത്. ഞാന് ശ്രമിച്ചു, ഞാന് ശ്രമിച്ചു. ഈ മെറ്റ്ലൈഫ് സ്റ്റേഡിയത്തിലാണ് എന്റെ തുടക്കം, ഇവിടെ തന്നെ ഞാന് അവസാനിപ്പിക്കുകയും ചെയ്യുകയാണ്. എല്ലാം അവസാനിക്കുകയാണ്'-അദ്ദേഹം പറഞ്ഞു.