നായ്ക്കളുടെ ശ്രദ്ധമാറ്റാൻ എസ്ഐ ഒരു ഭാഗത്തേക്ക് ഓടി. ഈ തക്കത്തിനു സിപിഒ ഭദ്രൻ പിന്നിലെ മതില്ചാടി അകത്തുകടന്നു. ഉള്ളില്നിന്നു പൂട്ടിയ വാതില് ചവിട്ടിത്തുറന്ന് അകത്തു കടക്കുന്പോഴേക്കും വീണ്ടും നായ്ക്കള് കുരച്ചെത്തി.
അകത്തെത്തുന്പോള് തളംകെട്ടിയ രക്തത്തില് കൈഞരന്പു മുറിച്ച സ്ത്രീ ബോധമില്ലാതെ കിടക്കുന്നതാണു കണ്ടത്. ഉടൻ പിന്നിലെ മതിലിന് അരികിലേക്കു സ്ത്രീയെ എടുത്തുകൊണ്ടുവന്നു. രണ്ടുപേർ വീണ്ടും നായ്ക്കളുടെ ശ്രദ്ധതിരിച്ച ഘട്ടത്തില് മതിലിനു പുറത്തേക്കു മാറ്റി, ആംബുലൻസില് സ്വകാര്യ ആശുപത്രിയിലെത്തിച്ചു.
ഏറെ രക്തം വാർന്നുപോയെങ്കിലും അപകടനില തരണം ചെയ്തെന്നു ഡോക്ടർ അറിയിച്ചു. മാനസിക വിഷമത്തില് ആത്മഹത്യക്കു ശ്രമിച്ച സ്ത്രീക്കു കൗണ്സലിംഗിന് സൗകര്യങ്ങള് ചെയ്യുമെന്നു പോലീസ് പറഞ്ഞു.