മുതിർന്ന നേതാക്കള് അടക്കം മദ്യത്തിന്റെ നികുതി ഇളവിനെതിരെ അതൃപ്തി പരസ്യപ്പെടുത്തി രംഗത്തെത്തിയിരുന്നു. തീരുമാനത്തില് മാറ്റം വരുത്താൻ മുഖ്യമന്ത്രി തയ്യാറായില്ലെങ്കില് പ്രതിപക്ഷം പ്രത്യക്ഷ സമരത്തിലേക്ക് കടക്കും. കൂടാതെ യുഡിഎഫിനുള്ളിലും മന്ത്രിസഭയ്ക്കുള്ളിലും വലിയ പ്രതിസന്ധി ഉടലെടുക്കും.ഈ സാഹചര്യത്തില് വിഷയത്തില് മുഖ്യമന്ത്രിയുടെ നിലപാട് നിർണായകമാണ്. ഇതിനൊപ്പം തന്നെ യുഡിഎഫ് സർക്കാരിന്റെ സർവ്വ മേഖലയിലെയും സ്വകാര്യവല്ക്കരണ നീക്കവും വലിയ പ്രതിഷേധങ്ങള്ക്ക് വഴിവെച്ചിരുന്നു. ഇതിലും മുഖ്യമന്ത്രിയുടെ നിലപാട് ഇന്ന് നിർണായകമാണ്.