അതേസമയം പതിനാറാം മന്ത്രിസഭയിലേക്കുള്ള അംഗങ്ങളെ തിരഞ്ഞെടുക്കാനുള്ള ചർച്ചകള് യുഡിഎഫില് തകൃതിയായി നടക്കുകയാണ്. തിങ്കളാഴ്ച നടക്കുന്ന ചടങ്ങില് മുഖ്യമന്ത്രിക്കൊപ്പം മന്ത്രിമാരും സത്യപ്രതിജ്ഞ ചെയ്യുമെന്നാണ് നിയുക്തമുഖ്യമന്ത്രി വി.ഡി. സതീശൻ അറിയിച്ചത്. രമേശ് ചെന്നിത്തലയ്ക്ക് ആഭ്യന്തരമന്ത്രിസ്ഥാനം നല്കുമെന്നാണ് വിവരം. അൻവർ സാദത്തിനെ മന്ത്രിയാക്കണമെന്ന് ഉറച്ച് നില്ക്കുകയാണ് ചെന്നിത്തല. മുസ്ലിം ലീഗുമായി ആലോചിച്ച് തീരുമാനമെടുക്കാം എന്ന് വി ഡി സതീശൻ പറഞ്ഞതായിട്ടാണ് വിവരം. ലീഗ് വഴങ്ങിയില്ലെങ്കില് ഐ സി ബാലകൃഷ്ണൻ, ടി ജെ വിനോദ് , ജ്യോതികുമാർ ചാമക്കാല എന്നിവരില് ഒരാളെ മന്ത്രിയാക്കണമെന്ന് ആണ് ബദലായി നല്കിയ നിർദേശം.