സ്വകാര്യ ഏജൻസികളെ ഉത്തരക്കടലാസുകള് സ്കാൻചെയ്ത് അപ്ലോഡ് ചെയ്യാൻ ഏല്പ്പിച്ചതാണ് പ്രധാന പ്രശ്നമായി എല്ലാവരും ചൂണ്ടിക്കാണിക്കുന്നത്. ഇതിനെക്കുറിച്ച് വ്യക്തമായ മറുപടി നല്കാൻ അധികൃതർ തയ്യാറായിട്ടുമില്ല. അദ്ധ്യാപകർക്ക് ആവശ്യമായ പരിശീലനം നല്കാതെ മൂല്യനിർണയത്തിനയച്ചതും പോരായ്മമായി ചൂണ്ടിക്കാണിക്കുന്നുണ്ട്.
പുനർമൂല്യനിർണയ സംവിധാനവും താറുമാറായ അവസ്ഥയിലാണ്. പകർപ്പാവശ്യപ്പെട്ട പല വിദ്യാർത്ഥികള്ക്കും പകർപ്പ് ലഭിച്ചിട്ടില്ലെന്ന പരാതിയുണ്ട്. സ്കൂളുകള്ക്ക് സിബിഎസിഇയില് നിന്ന് ഇക്കാര്യത്തില് വ്യക്തമായ മറുപടി ലഭിച്ചിട്ടില്ല. ലഭിച്ചവർക്ക് ഡൗണ്ലോഡ് ചെയ്ത പിഡിഎഫിലും പിഴവുണ്ടെന്നുംന ആരോപണമുണ്ട്. അതേസമയം, ഔദ്യോഗിക വെബ്സൈറ്റിലെ തകരാറിനെക്കുറിച്ചും വിദ്യാർത്ഥികള് നേരിട്ട ബുദ്ധിമുട്ടുകളെക്കുറിച്ചും കേന്ദ്ര വിദ്യാഭ്യാസമന്ത്രി ധർമേന്ദ്രപ്രഥാൻ റിപ്പോർട്ട് തേടിയിട്ടുണ്ട്. പ്രശ്നങ്ങള്ക്ക് കാരണക്കാരായവർക്കെതിരെ നടപടി ഉണ്ടായേക്കും എന്നാണ് റിപ്പോർട്ട്. എന്നാല് ഒഎസ്എം രീതിയിലെ പ്രശ്നങ്ങളെക്കുറിച്ച് മന്ത്രി പ്രതികരിച്ചിട്ടില്ല.