വിനോദസഞ്ചാര മേഖലയായ വെഞ്ഞാറമൂട് വെള്ളാണിക്കല് പാറയോട് ചേർന്നുള്ള റബർ തോട്ടത്തില് ഷിബിനെയും അർച്ചനയെയും തൂങ്ങിമരിച്ച നിലയില് നാട്ടുകാർ കണ്ടെത്തുകയായിരുന്നു. തുടർന്ന് പൊലീസിനെ വിവരം അറിയിക്കുകയും ചെയ്തു. ഇരുവരുടെയും ഒരു കൈ പരസ്പരം കൂട്ടിക്കെട്ടിയിരുന്നു. കൈ ഞരമ്പുകളും മുറിച്ചിരുന്നു.അർച്ചനയെ കാണാനില്ലെന്ന് കാട്ടി ബന്ധുക്കള് കഴിഞ്ഞ ദിവസം നെടുമങ്ങാട് പൊലീസ് സ്റ്റേഷനില് പരാതി നല്കിയിരുന്നു. പരാതിയില് അന്വേഷണം നടക്കുന്ന ഘട്ടത്തിലാണ് മരണപ്പെട്ട നിലയില് കണ്ടെത്തിയത്. വെള്ളനാട് മഹാവിഷ്ണു ക്ഷേത്രത്തിനു സമീപത്തായി വാടകയ്ക്ക് താമസിക്കുന്ന പ്രവീണ്കുമാറിന്റെ ഭാര്യയാണ് അർച്ചന. വെള്ളനാട് ശിവാലയത്തില് വത്സലയുടെ മകനാണ് ഷിബിൻ. പൊലീസ് സ്ഥലത്തെത്തി ഇൻക്വസ്റ്റ് നടപടികള് പൂർത്തിയാക്കി മൃതദേഹങ്ങള് മെഡിക്കല് കോളേജിലേക്ക് മാറ്റി.