സംസ്ഥാനത്ത് ഉഷ്ണതരംഗത്തിന് സമാനമായ കടുത്ത ചൂട് അനുഭപ്പെടുന്ന സാഹചര്യത്തില് വേനല് മഴ ആശ്വാസമാകുന്നുണ്ട്. തിങ്കളാഴ്ച മധ്യകേരളത്തിലും തെക്കൻ കേരളത്തിലും ഒറ്റപ്പെട്ട സ്ഥലങ്ങളില് മഴ ലഭിച്ചു. വരുംദിവസങ്ങളിലും പകല് താപനില ഉയരുമെങ്കിലും വേനല്മഴ പെയ്യുന്നത് ആശ്വാസം നല്കും.
സംസ്ഥാനത്ത് ഇന്ന് വിവിധ ജില്ലകളില് വേനല് മഴയ്ക്ക് സാധ്യതയെന്ന് കാലാവസ്ഥ വകുപ്പ്. എറണാകുളം, തൃശൂർ ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ നേരിയ/ഇടത്തരം മഴയ്ക്കും മണിക്കൂറില് 40 കിലോമീറ്റർ വരെ വേഗതയില് ശക്തമായ കാറ്റിനും, ആലപ്പുഴ, എറണാകുളം ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കണ്ണൂർ, കാസർഗോഡ് ജില്ലകളില് നാളെ യെല്ലോ അലർട്ടാണ്. മേയ് 1ന് പത്തനംതിട്ട, ഇടുക്കി, വയനാട് ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റർ മുതല് 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.
സംസ്ഥാനത്ത് ഉഷ്ണതരംഗത്തിന് സമാനമായ കടുത്ത ചൂട് അനുഭപ്പെടുന്ന സാഹചര്യത്തില് വേനല് മഴ ആശ്വാസമാകുന്നുണ്ട്. തിങ്കളാഴ്ച മധ്യകേരളത്തിലും തെക്കൻ കേരളത്തിലും ഒറ്റപ്പെട്ട സ്ഥലങ്ങളില് മഴ ലഭിച്ചു. വരുംദിവസങ്ങളിലും പകല് താപനില ഉയരുമെങ്കിലും വേനല്മഴ പെയ്യുന്നത് ആശ്വാസം നല്കും.