സെൻകുമാര് വിശദീകരിച്ച വകുപ്പുകള്
പോക്സോ നിയമം, 2012 (ലൈംഗിക അതിക്രമങ്ങളില് നിന്നുള്ള കുട്ടികളുടെ സംരക്ഷണം)
സെക്ഷൻ 19 (റിപ്പോർട്ട് ചെയ്യാനുള്ള നിർബന്ധിത ചുമതല): ഒരു കുട്ടിക്കെതിരെ ലൈംഗിക അതിക്രമം നടന്നതായോ അല്ലെങ്കില് നടക്കാൻ സാധ്യതയുള്ളതായോ അറിവോ സംശയമോ ഉള്ള ഏതൊരാളും അത് പൊലീസിലോ സ്പെഷ്യല് ജുവനൈല് പൊലീസ് യൂണിറ്റിലോ അറിയിച്ചിരിക്കണം. ഇത് റിപ്പോർട്ട് ചെയ്യാതിരിക്കുന്നത് ശിക്ഷാർഹമാണ്. വിവരം നല്കുന്ന വ്യക്തിക്ക് പൊലീസ് സംരക്ഷണം നല്കണം.
സെക്ഷൻ 4: കുട്ടിക്കെതിരെയുള്ള ലൈംഗികാതിക്രമത്തിന് നല്കുന്ന ശിക്ഷ.
സെക്ഷൻ 7, 8: ലൈംഗിക ഉദ്ദേശ്യത്തോടെയുള്ള സ്പർശനത്തെക്കുറിച്ച് പ്രതിപാദിക്കുന്നു.
2. ഭാരതീയ ന്യായ സംഹിത (ബിഎൻഎസ്), 2023
സെക്ഷൻ 96 (കുട്ടികളെ ലൈംഗികാവശ്യത്തിന് പ്രേരിപ്പിക്കല്): 18 വയസില് താഴെയുള്ള കുട്ടികളെ ലൈംഗിക ചൂഷണത്തിനായോ തെറ്റായ ആവശ്യങ്ങള്ക്കായോ പ്രേരിപ്പിക്കുന്നത് ഇതില് ഉള്പ്പെടുന്നു. ഇത് ലിംഗഭേദമന്യേ എല്ലാ കുട്ടികള്ക്കും ബാധകമാണ്. ശിക്ഷ: 10 വർഷം വരെ തടവും പിഴയും.
സെക്ഷൻ 137 (തട്ടിക്കൊണ്ടുപോകല്): ഇന്ത്യയ്ക്ക് പുറത്തേക്ക് കൊണ്ടുപോകുന്നതും നിയമപരമായ രക്ഷാകർതൃത്വത്തില് നിന്ന് (പ്രായപൂർത്തിയാകാത്ത കുട്ടികളെ) അവരുടെ സമ്മതമില്ലാതെ കൊണ്ടുപോകുന്നതും ഇതില് ഉള്പ്പെടുന്നു. ശിക്ഷ: 7 വർഷം വരെ തടവ്.
സെക്ഷൻ 143 (മനുഷ്യക്കടത്ത്): ഭീഷണിപ്പെടുത്തിയോ ബലപ്രയോഗത്തിലൂടെയോ പ്രലോഭനങ്ങളിലൂടെയോ ഒരാളെ ചൂഷണത്തിനായി കടത്തുന്നത് കുറ്റകരമാണ്. കുട്ടികളെയാണ് കടത്തുന്നതെങ്കില് ശിക്ഷ 10 വർഷം മുതല് ജീവപര്യന്തം വരെയാകാം. ഇരയുടെ സമ്മതം ഇവിടെ കണക്കിലെടുക്കില്ല.
സെക്ഷൻ 54 (കുറ്റകൃത്യത്തിന് സഹായിക്കല്): ഒരു കുറ്റകൃത്യം നടക്കുമ്പോള് അവിടെ സഹായിയായി നില്ക്കുന്ന വ്യക്തി ആ കുറ്റകൃത്യം ചെയ്തതായി തന്നെ കണക്കാക്കും.
സെക്ഷൻ 64(2)(i): സമ്മതം നല്കാൻ കഴിയാത്ത മാനസികാവസ്ഥയിലുള്ള സ്ത്രീകള്ക്കെതിരെയുള്ള ലൈംഗിക അതിക്രമം.
സെക്ഷൻ 337 (വ്യാജരേഖ ചമയ്ക്കല്): സർക്കാർ രേഖകള് അല്ലെങ്കില് തിരിച്ചറിയല് രേഖകള് (ഉദാഹരണത്തിന് ആധാർ പോലുള്ളവ) വ്യാജമായി ഉണ്ടാക്കുന്നത് 7 വർഷം വരെ തടവ് ലഭിക്കാവുന്ന കുറ്റമാണ്.
സെക്ഷൻ 234 (വ്യാജ സർട്ടിഫിക്കറ്റ് നല്കല്): നിയമപരമായ ആവശ്യങ്ങള്ക്കായി അറിഞ്ഞുകൊണ്ട് വ്യാജ സർട്ടിഫിക്കറ്റ് നല്കുന്നതും ശിക്ഷാർഹമാണ്.
സെക്ഷൻ 174 (തിരഞ്ഞെടുപ്പിലെ ക്രമക്കേട്): തിരഞ്ഞെടുപ്പില് അവിഹിതമായ സ്വാധീനം ചെലുത്തുകയോ ആള്മാറാട്ടം നടത്തുകയോ ചെയ്യുന്നത് ഒരു വർഷം വരെ തടവ് ലഭിക്കാവുന്ന കുറ്റമാണ്.
3. ബാലവിവാഹ നിരോധന നിയമം, 2006
സെക്ഷൻ 9: 18 വയസ്സിന് താഴെയുള്ള പെണ്കുട്ടിയെയോ 21 വയസ്സിന് താഴെയുള്ള ആണ്കുട്ടിയെയോ വിവാഹം കഴിക്കുന്ന മുതിർന്ന പുരുഷനുള്ള ശിക്ഷ (2 വർഷം വരെ കഠിനതടവും ഒരു ലക്ഷം രൂപ പിഴയും).
സെക്ഷൻ 10: ബാലവിവാഹം നടത്തുകയോ പ്രോത്സാഹിപ്പിക്കുകയോ ചെയ്യുന്നവർക്കുള്ള ശിക്ഷ.
സെക്ഷൻ 11: ബാലവിവാഹം തടയാതിരിക്കുന്ന മാതാപിതാക്കള്ക്കും രക്ഷിതാക്കള്ക്കും എതിരെയുള്ള നടപടി.
സെക്ഷൻ 12: ബലം പ്രയോഗിച്ചോ ചതിയിലൂടെയോ തട്ടിക്കൊണ്ടുപോയോ നടത്തുന്ന ബാലവിവാഹങ്ങള് തുടക്കം മുതല്ക്കേ അസാധുവാണെന്ന് ഈ നിയമം പറയുന്നു.
4. ജുവനൈല് ജസ്റ്റിസ് ആക്ട്, 2015
സെക്ഷൻ 83: കുട്ടികളെ നിയമവിരുദ്ധമായ പ്രവർത്തനങ്ങള്ക്കായി ഉപയോഗിക്കുന്ന മുതിർന്നവർക്ക് 7 വർഷം വരെ കഠിനതടവും 5 ലക്ഷം രൂപ പിഴയും ലഭിക്കും.
സെക്ഷൻ 84: 18 വയസ്സില് താഴെയുള്ള കുട്ടികളെ തട്ടിക്കൊണ്ടുപോകുന്നതുമായി ബന്ധപ്പെട്ട നിയമം.
5. മറ്റ് നിയമങ്ങള്
എസ്സി/എസ്ടി (അതിക്രമങ്ങള് തടയല്) നിയമം, 1898: പട്ടികജാതി/പട്ടികവർഗ്ഗ വിഭാഗത്തില്പ്പെട്ടവർക്കെതിരെ അവരുടെ ജാതിയുടെ പേരില് 10 വർഷത്തിന് മുകളില് ശിക്ഷ ലഭിക്കാവുന്ന കുറ്റകൃത്യം ചെയ്താല് പ്രതിക്ക് ജീവപര്യന്തം തടവ് വരെ ലഭിക്കാം.
ഹിന്ദു വിവാഹ നിയമം, 1955 (സെക്ഷൻ 18): വിവാഹ പ്രായപരിധി ലംഘിച്ചുകൊണ്ട് വിവാഹം നടത്തുന്നത് ശിക്ഷാർഹമാണ്. ഇത്തരം വിവാഹങ്ങള് നിയമപരമായി അസാധുവാക്കാവുന്നതാണ്.