കേരളത്മനസാക്ഷിയെ നടുക്കി വീണ്ടും ആള്ക്കൂട്ടകൊലപാതകം . പെരുമ്ബാവൂരില് ആണ് ഇത്തരത്തില് അതി ദാരുണമായ കൊലപാതകം നടന്നത് .പ്ലൈവുഡ് കമ്ബനിയില് മോഷണം ആരോപിച്ച് യുവാവിനെ ഒരു സംഘം ആളുകള് ചേർന്ന് തല്ലിക്കൊല്ലുകയായിരുന്നെന്ന് പൊലീസ് പറഞ്ഞു.
സംഭവുമായി ബന്ധപ്പെട്ട് ആറ് അതിഥി തൊഴിലാളികളെ കസ്റ്റഡിയിലെടുത്തു. മരിച്ചയാളെ തിരിച്ചറിഞ്ഞിട്ടില്ല. ഇയാളും അതിഥി തൊഴിലാളിയാണ്.
ഇന്നലെ രാത്രിയായിരുന്നു സംഭവം. ആസം സ്വദേശികളാണ് കസ്റ്റഡിയിലായവരെന്ന് പൊലീസ് അറിയിച്ചു. സംഭവത്തെ കുറിച്ച് പൊലിസ് പറയുന്നത് ഇങ്ങനെ; കമ്ബനിയില് ജോലിക്ക് കയറുന്ന സമയത്ത് തൊഴിലാളികള് അവരുടെ മൊബൈല് ഫോണുകള് ഒരു ബോക്സില് നിക്ഷേപിക്കുയാണ് പതിവ്. ജോലി കഴിഞ്ഞ് വന്ന് നോക്കിയപ്പോള് അതില് രണ്ടുപേരുടെ മൊബൈല് ഫോണുകള് കാണാനില്ലായിരുന്നു. അതിന് സമീപത്ത് മറ്റൊരു യുവാവിനെ സംശയാസ്പദമായ സാഹചര്യത്തില് കണ്ടതോടെ മോഷണം ആരോപിച്ച് ആറംഗ സംഘം ക്രുരമായി മർദിക്കുകയായിരുന്നു.
മർദനത്തില് പരിക്കേറ്റ് യുവാവ് സംഭവസ്ഥലത്തുവച്ചു തന്നെ മരിച്ചു. ഇതോടെ ഇവർ വിവരം പൊലീസിനെ അറിയിച്ചു. തുടർന്ന് ആറംഗസംഘത്തെ പൊലീസ് കസ്റ്റഡിയിലെടുക്കുകയായിരുന്നു. ഇവരെ ചോദ്യം ചെയ്ത് വരികയാണെന്ന് പൊലീസ് പറഞ്ഞു. മരിച്ചയാളും അസം സ്വദേശിയായ അതിഥി തൊഴിലാളിയാണെന്നാണ് സൂചന. കാണാതായ മൊബൈല് ഫോണുകള് കമ്ബനി പരിസരത്തുനിന്ന് കണ്ടെടുത്തതായും പൊലീസ് പറഞ്ഞു.