മൈലക്കാട്ട് പൈലിങ് നടപടികൾ തുടങ്ങി. കടവൂർ, മേവറം എന്നിവിടങ്ങളിലും നിർമാണ നടപടികൾ ആരംഭിച്ചു. മൈലക്കാട്ട് നിലവിലുള്ള വയഡക്ടിൽ നിന്നു കൊട്ടിയം ഭാഗത്തേക്ക് 120 മീറ്റർ നീളത്തിലാണ് പുതിയ നിർമാണം. മേവറത്ത് നിലവിലുള്ളതിന്റെ ഇരുവശത്തുമായി 80 മീറ്റർ വീതം നീളത്തിൽ ഫ്ലൈ ഓവർ നിർമിക്കും. കടവൂരിൽ 440 മീറ്റർ നീളത്തിലാണ് നിർമാണം.ചാത്തന്നൂർ, കൊട്ടിയം, അയത്തിൽ, കല്ലുംതാഴം എന്നിവിടങ്ങളിൽ ഉയരപ്പാത പൊളിച്ചുനീക്കി ഫ്ലൈ ഓവർ നിർമിക്കണമെന്ന് ആവശ്യപ്പെട്ടു സമരം നടക്കുന്നുണ്ടെങ്കിലും തീരുമാനം ആയില്ല. കൊട്ടിയത്ത് ഗതാഗതത്തിനായി ഉയരപ്പാത തുറന്നു നൽകിയിട്ടുണ്ട്. ചാത്തന്നൂരിൽ ഉയരപ്പാത സുരക്ഷിതമാണെന്ന് പാലക്കാട് ഐഐടിയിലെ വിദഗ്ധ സംഘം നടത്തിയ പരിശോധനയിൽ കണ്ടെത്തിയതിനാൽ ഫ്ലൈഓവർ നിർമാണം പ്രായോഗികമല്ലെന്ന് തിരുവനന്തപുരം മേഖലാ പ്രോജക്ട് ഡയറക്ടർ ദേബാപ്രസാദ് ഹൈക്കോടതിയിൽ രേഖാമൂലം അറിയിച്ചിട്ടുണ്ട്.