ശബരിമല സ്വർണക്കൊള്ളക്കേസില് അറസ്റ്റിലായതിനു പിന്നാലെ പ്രതികരണവുമായി തന്ത്രി കണ്ഠരര് രാജീവര്.
താൻ ഒരു തെറ്റും ചെയ്തിട്ടില്ലെന്ന് മെഡിക്കല് പരിശോധനയ്ക്കായി തിരുവനന്തപുരം ജനറല് ആശുപത്രിയില് എത്തിച്ചപ്പോള് അദ്ദേഹം മാധ്യമ പ്രവർത്തകരോടു പറഞ്ഞു.
ആരെങ്കിലും കുടുക്കിയതാണോയെന്ന് മാധ്യമ പ്രവർത്തകർ ചോദിച്ചപ്പോള് സ്വാമി ശരണമെന്ന മറുപടിയുമാണ് തന്ത്രി നല്കിയത്. മെഡിക്കല് പരിശോധ പൂർത്തിയാക്കി തന്ത്രിയെ കോടതിയില് ഹാജരാക്കാനായി കൊട്ടാരക്കരയിലേക്കു കൊണ്ടുപോയി.
കേസിലെ ഒന്നാം പ്രതി ഉണ്ണികൃഷ്ണൻ പോറ്റിയുമായി രാജീവർക്ക് അടുപ്പമുണ്ടായിരുന്നെന്ന കണ്ടെത്തലിന്റെ അടിസ്ഥാനത്തിലാണ് അറസ്റ്റെന്നാണ് സൂചന. തന്ത്രിക്ക് പോറ്റിയുമായി അടുപ്പമുണ്ടായിരുന്നെന്ന് മറ്റു പ്രതികള് മൊഴി നല്കിയിരുന്നു.