തൃശൂർ: പടക്കം കയറ്റി വന്ന ലോറിക്കു തീപിടിച്ച് അപകടം. തൃശൂരിൽ ദേശീയപാത നടത്തറ ഭാഗത്ത് വച്ചാണ് പാഴ്സൽ കണ്ടെയ്നർ ലോറി അഗ്നിക്കിരയായത്. കോയമ്പത്തൂരിൽ നിന്നും പടക്കം ഉൾപ്പെടെയുള്ള പാഴ്സലുകളുമായി നടത്തറയിലേക്ക് വന്ന ലോറിക്കാണ് തീപിടിച്ചത്.
അപകടത്തിൽ വാഹനത്തിന്റെ ഡ്രൈവർ പുത്തൂർ സ്വദേശി അനൂജിന് നിസാര പരിക്കേറ്റു. കോയമ്പത്തൂരിൽ നിന്നും പടക്കം കയറ്റി നടത്തറയിലേക്ക് വന്ന ലോറിക്കാണ് തീപിടിച്ചത്. ലോറിയിലെ പടക്കം മുഴുവനും കത്തി നശിച്ചു. തൃശൂരിൽ നിന്നും അഗ്നിരക്ഷാസേന എത്തിയാണ് തീ അണച്ചത്.
നിയമവിരുദ്ധമായാണ് പടക്കം പാഴ്സലായി അയക്കുകയായിരുന്നു എന്നാണ് റിപ്പോർട്ട്. സംഭവത്തിൽ പൊലീസ് അന്വേഷണം ആരംഭിച്ചു. പാഴ്സൽ കമ്പനിക്ക് എതിരെയും അയച്ച ആളുകൾക്ക് എതിരെയും നടപടി ഉണ്ടാകുമെന്നാണ് റിപ്പോർട്ട്.