തിരുവനന്തപുരം സ്വദേശികളായ സുന്ദര് ബാലകൃഷ്ണൻ, ഭാര്യ പൂജ രാജൻ, ഇവരുടെ ആറു വയസുള്ള മകളായ വേദിക സുന്ദര് ബാലകൃഷ്ണൻ എന്നിവരാണ് മരിച്ച മലയാളികള്. അര്ധരാത്രി 12.40ഓടെയാണ് തീപിടിത്തമുണ്ടായത്. ഷോര്ട്ട് സര്ക്യൂട്ട് മൂലം എസിയുടെ കംപ്രസര് പൊട്ടിത്തെറിച്ചതാണ് അപകടകാരണമെന്നാണ് പ്രാഥമിക നിഗമനം. വാഷിയിലെ എംജി കോംപ്ലക്സിലാണ് തീപിടിത്തമുണ്ടായത്.
ഫ്ലാറ്റിലെ പത്താം നില മുതല് പന്ത്രണ്ടാം നിലവരെ തീപടര്ന്നു. നവി മുബൈയില് ടയര് വ്യാപാര സ്ഥാപനം നടത്തുന്ന രാജന്റെ മകള് പൂജയും മരുമകനും കുഞ്ഞുമാണ് മരിച്ചത്. മൃതദേഹങ്ങള് വാഷിയിലെ ആശുപത്രിയിലേക്ക് മാറ്റി. അപകടത്തില് 15പേരെ രക്ഷപ്പെടുത്തി.