തിരുവനന്തപുരം: തിരുവനന്തപുരം നഗരസഭയിലെ ബിജെപി കൗൺസിലർ മരിച്ച നിലയിൽ. തിരുമല വാർഡ് കൗൺസിലറും ബിജെപി ജില്ലാ ജനറൽ സെക്രട്ടറിയുമായ തിരുമല അനിൽ ആണ് മരിച്ചത്. കൗൺസിലർ ഓഫീസിനുള്ളിൽ തൂങ്ങി മരിച്ച നിലയിൽ ആയിരുന്നു അനിലിനെ കണ്ടെത്തിയത്. തിരുവനന്തപുരം നഗരത്തിലെ ബിജെപിയുടെ പ്രമുഖ നേതാവ് കൂടിയാണ് അനിൽ.
മൃതദേഹത്തിന് സമീപത്ത് നിന്നും കണ്ടെത്തിയ ആത്മഹത്യ കുറിപ്പിൽ ബിജെപി നേതൃത്വത്തിന് ഏതിരെ പരാമർശം ഉണ്ടെന്നാണ് വിവരം. അനിൽ ഭരണ സമിത അംഗമായി വലിയ ശാല ഫാം സൊസൈറ്റിയുമായി ബന്ധപ്പെട്ട സാമ്പത്തിക പ്രതിസന്ധിയിൽ പാർട്ടി പിന്തുണച്ചില്ലെന്നാണ് കുറിപ്പിലെ പരാമർശം എന്നാണ് വിവരം. സൊസൈറ്റിയിൽ പ്രശ്നമുണ്ടാപ്പോൾ ഒറ്റപ്പെടുത്തി. താനും കുടുംബവും സൊസൈറ്റിയിൽ നിന്ന് പണവും എടുത്തിട്ടില്ല. ആറ് കോടിയോളം രൂപയൂടെ വായ്പാ ബാധ്യത സൊസൈറ്റിയുമായി ബന്ധപ്പെട്ട് ഉണ്ടെന്നാണ് റിപ്പോർട്ടുകൾ.
സൊസൈറ്റിയിൽ നിക്ഷേപം സ്വീകരിച്ചതുമായി ബന്ധപ്പെട്ട് ചില പ്രശ്നങ്ങളുടെ പേരിൽ കഴിഞ്ഞ ദിവസം അനിലിനെ തമ്പാനൂർ പൊലീസ് വിളിപ്പിച്ചിരുന്നു. ഇതിന്റെ മാനസിക വിഷമാണ് മരണത്തിലേക്ക് നയിച്ചത് എന്നാണ് പ്രാഥമിക വിലയിരുത്തൽ. എന്നാൽ കഴിഞ്ഞ ദിവസങ്ങളിലും പാർട്ടി യോഗങ്ങളിൽ ഉൾപ്പെടെ സജീവമായിരുന്നു അനിൽ എന്നും സൊസൈറ്റിയുമായി ബന്ധപ്പെട്ട് പരിഹരിക്കാവുന്ന പ്രശ്നങ്ങൾ മാത്രമാണ് ഉണ്ടായിരുന്നത് എന്നുമാണ് ബിജെപി ജില്ലാ നേതൃത്വത്തിന്റെ പ്രതികരണം.