കൊച്ചി: സംസ്ഥാനത്ത് ആദ്യമായി റോബോട്ടിക്-അസിസ്റ്റഡ് കൊറോണറി ആർട്ടറി ബൈപാസ് ഗ്രാഫ്റ്റിങ് (സിഎബിജി) ശസ്ത്രക്രിയ വിജയകരമായി പൂർത്തിയാക്കി ഇന്ത്യയികെ ഏറ്റവും മികച്ച മൾട്ടിസ്പെഷ്യലിറ്റി ആശുപ്ത്രികളിൽ ഒന്നായ ആസ്റ്റർ മെഡ്സിറ്റി. ഹൃദ്രോഗ ചികിത്സയിൽ കേരളം കൈവരിക്കുന്ന സുപ്രധാന മാറ്റങ്ങളിൽ ഒന്നാണിത്. ഗുരുവായൂർ സ്വദേശിനിയായ 42 വയസ്സുകാരി നിഷ പുരുഷോത്തമനാണ് ഈ നൂതന ശസ്ത്രക്രിയയിലൂടെ അതിവേഗം സുഖം പ്രാപിച്ചത്. ശസ്ത്രക്രിയ കഴിഞ്ഞ് നാലാം ദിവസം തന്നെ നിഷയെ ഡിസ്ചാർജ് ചെയ്യാനുമായി.
അതീവഗുരുതരമായ ട്രിപ്പിൾ-വെസ്സൽ ഡിസീസ് എന്ന രോഗമാണ് നിഷ്യ്ക്ക് ഉണ്ടായിരുന്നത്. പ്രധാനപ്പെട്ട മൂന്ന് ഹൃദയമനികളിലും ബ്ലോക്ക് ഉണ്ടാകുന്ന സാഹചര്യമാണിത്. നിഷയുടെ രോഗം വളരെ സങ്കീർണ്ണമായതിനാൽ സാധാരണ ആൻജിയോപ്ലാസ്റ്റി കൊണ്ട് രോഗം ഭേദമാക്കാൻ കഴിയില്ലായിരുന്നു . ഹൃദയം തുറന്നുള്ള ശസ്ത്രക്രിയ മാത്രമായിരുന്നു പോംവഴി.
"ഏറ്റവും നൂതനമായ ആരോഗ്യ സേവനങ്ങൾ ഇന്ത്യയിലെ ജനങ്ങളിലേക്ക് എത്തിക്കുക എന്നതാണ് ആസ്റ്റർ ഏറ്റെടുത്തിരിക്കുന്ന ദൗത്യമെന്ന്” ആസ്റ്റർ ഡിഎം ഹെൽത്ത് കെയർ ചീഫ് ഓപ്പറേറ്റിംഗ് ഓഫീസർ രമേശ് കുമാർ പറഞ്ഞു. കേരളത്തിലെ ആദ്യത്തെ റോബോട്ടിക് അസിസ്റ്റഡ് കാർഡിയാക് ബൈപ്പാസ് ശസ്ത്രക്രിയ വിജയകരമായി പൂർത്തിയാക്കിയത് അഭിമാനകരമായ ഒര നാഴികക്കല്ലും ഹൃദയ പരിചരണത്തിലെ ഒരു വലയിമുന്നേറ്റവുമാണ്.