കണ്ണിയംപുറം റോഡിലുള്ള വാടകവീട്ടില് നിന്നും 20 പെട്ടി പടക്ക ശേഖരം, 600ഗ്രാം കഞ്ചാവ്, 50 ഗ്രാമോളം എംഡിഎംഎ, ലൈംഗിക ഉത്തേജക മരുന്ന്, രണ്ടുപെട്ടി കോണ്ടം എന്നിവയും പിടികൂടി. കുളപ്പുള്ളി സ്വദേശികളായ കൈപ്പുള്ളി വീട്ടില് കെ.വിഗ്നേഷ്, കുന്നത്ത് വീട്ടില് കെ എ സനല്, ഷോർണൂർ ഗണേശഗിരി ഷാ മൻസില് കെ ബി ഷബീർ, ഒറ്റപ്പാലം പൂളക്കുണ്ട് സ്വദേശികളായ കുന്നത്ത് വീട്ടില് മുഹമ്മദ് മുസ്തഫ, കൊല്ലത്ത് വീട്ടില് ഷാഫി, ഒറ്റപ്പാലം കാഞ്ഞിരക്കടവ് കൊരട്ടിയില് വീട്ടില് ഷാനിഫ് എന്നിവരാണ് പിടിയിലായത്. കേസില് പിടിയിലായ ഷാനിഫിന് എറണാകുളത്ത് ലഹരി ഉപയോഗത്തിന് കേസുണ്ടെന്ന് പൊലീസ് പറഞ്ഞു.
വീടിന്റെ മുകളിലെ നിലയില് ഇരുപതോളം പെട്ടികളിലും യക്കുകളിലുമായി സൂക്ഷിച്ചിരുന്ന പടക്കശേഖരവും പിടികൂടി. അനുമതിയില്ലാതെ വില്പ്പന നടത്താൻ വേണ്ടി കരുതിയ പടക്ക ശേഖരം ആണെന്ന് പോലീസ് പറഞ്ഞു. ജില്ലാ ലഹരി വിരുദ്ധ സ്കോഡിന്റെയും ഒറ്റപ്പാലം പൊലീസിന്റെയും നേതൃത്വത്തില് ആയിരുന്നു പരിശോധന നടന്നത്. ഷൊർണൂർ സർക്കിള് ഇൻസ്പെക്ടർ വി രവികുമാറിന്റെ നേതൃത്വത്തിലാണ് ഇവരുടെ ദേഹ പരിശോധന നടത്തിയത്.