കോഴിക്കോട്, കണ്ണൂര്, വയനാട്, തൃശ്ശൂര്, കാസര്കോട് എന്നീ ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. കാസര്കോട്, തൃശ്ശൂര്, വയനാട് ജില്ലകളില് പ്രൊഫഷണല് കോളേജുകള്ക്കടക്കമാണ് അവധി പ്രഖ്യാപിച്ചിട്ടുള്ളത്. കോഴിക്കോടും കണ്ണൂരും സ്കൂളുകള്, അങ്കണവാടികള്, മദ്രസകള്, ട്യൂഷന് സെന്ററുകള് എന്നിവക്കാണ് അവധി. മുൻകൂട്ടി നിശ്ചയിച്ചിട്ടുള്ള പി എസ് സി പരീക്ഷകള്ക്കടക്കം മാറ്റമില്ലെന്നും അധികൃതർ അറിയിച്ചിട്ടുണ്ട്.
കോഴിക്കോട് ജില്ലയിലെ അവധി അറിയിപ്പ്
കോഴിക്കോട് ജില്ലയില് ശക്തമായ മഴ മുന്നറിയിപ്പുള്ള സാഹചര്യത്തില് ഇന്ന് (ജൂലൈ 17 വ്യാഴാഴ്ച) സ്കൂളുകള്ക്ക് അവധിയാണ്. അങ്കണവാടികള്, മദ്രസകള്, ട്യൂഷന് സെന്ററുകള് തുടങ്ങിയവയ്ക്കും അവധി ബാധകമായിരിക്കും.
കണ്ണൂർ ജില്ലയിലെ അവധി അറിയിപ്പ്
കണ്ണൂർ ജില്ലയില് ഓറഞ്ച് അലർട്ട് പ്രഖ്യാപിച്ചതിനാലും കനത്ത മഴ തുടരുന്ന സാഹചര്യത്തിലും സ്കൂളുകള്, അങ്കണവാടികള്, മതപഠന സ്ഥാപനങ്ങള്, ട്യൂഷൻ സെൻ്ററുകള് എന്നിവക്ക് ജൂലൈ 17ന് (17/07/2025, വ്യാഴാഴ്ച ) ജില്ലാ കളക്ടർ അവധി പ്രഖ്യാപിച്ചു. മുൻകൂട്ടി നിശ്ചയിച്ച പരീക്ഷകള്ക്ക് മാറ്റം ഉണ്ടായിരിക്കുന്നതല്ല.
തൃശൂർ ജില്ലയിലെ അവധി അറിയിപ്പ്
തൃശ്ശൂര് ജില്ലയില് ശക്തമായ മഴ തുടരുന്ന സാഹചര്യത്തില് മുന്കരുതല് നടപടിയുടെ ഭാഗമായി ഇന്ന് (ജൂലൈ 17) ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടർ അർജുൻ പാണ്ഡ്യൻ അവധി പ്രഖ്യാപിച്ചു. സി ബി എസ് സി, ഐ സി എസ് സി, കേന്ദ്രീയ വിദ്യാലയം, അങ്കണവാടികള്, മദ്രസകള്, ട്യൂഷൻ സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
വയനാട് ജില്ലയിലെ അവധി അറിയിപ്പ്
കേന്ദ്ര കാലാവസ്ഥ വകുപ്പ് ജില്ലയില് ഇന്ന് ( ജൂലൈ 17) ഓറഞ്ച് അലർട്ട് പ്രഖ്യാപിച്ചതിനാല് വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടർ ഡി ആർ മേഘശ്രീ അവധി പ്രഖ്യാപിച്ചു. പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്, അങ്കണവാടികള്, ട്യൂഷൻ സെൻ്ററുകള്, മതപഠന ക്ലാസുകള്, സ്പെഷ്യല് ക്ലാസുകള്ക്ക് അവധി ബാധകമാണ്. പി എസ് സി പരീക്ഷകള്, റസിഡൻഷല് സ്കൂളുകള്, കോളേജുകള്ക്ക് അവധി ബാധകമല്ല.
കാസര്കോട് ജില്ലയിലെ അവധി അറിയിപ്പ്
കാസര്കോട് ജില്ലയില് കനത്ത മഴ തുടരുന്നതിനാല് താഴ്ന്ന പ്രദേശങ്ങളില് വെള്ളം കയറിയിട്ടുണ്ട്. പ്രധാന നദികള് കരകവിഞ്ഞൊഴുകുകയും താഴ്ന്ന പ്രദേശങ്ങളില് വെള്ളം കയറുകയും ചെയ്തിട്ടുണ്ട് ഇതിന്റെ പശ്ചാത്തലത്തില് ജനസുരക്ഷയെ മുൻനിർത്തി, ജൂലൈ 17 വ്യാഴാഴ്ച, ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടർ അവധി പ്രഖ്യാപിച്ചു. ജില്ലയിലെ സ്കൂളുകള്, കോളേജുകള്, പ്രൊഫഷണല് കോളേജുകള്, കേന്ദ്രീയ വിദ്യാലയങ്ങള്, ട്യൂഷൻ സെന്ററുകള്, മദ്രസകള്, അങ്കണവാടികള്, സ്പെഷ്യല് ക്ലാസുകള് എന്നിവയ്ക്ക് അവധി ബാധകമാണ്. മുമ്ബ് നിശ്ചയിച്ചിരിക്കുന്ന എല്ലാ പരീക്ഷകളും (പ്രൊഫഷണല്, സർവകലാശാലാ, മറ്റു വകുപ്പ് പരീക്ഷകള് ഉള്പ്പെടെ) പദ്ധതി പ്രകാരം തന്നെ നടക്കുന്നതാണ്. പരീക്ഷാ സമയങ്ങളില് മാറ്റമില്ല