വഖഫ് നിയമ ഭേദഗതി ബില് ഇന്ന് ലോക്സഭയില് അവതരിപ്പിക്കും. നാളെ ഉച്ചയ്ക്ക് 12 മണിക്കാണ് ബില് അവതരിപ്പിക്കുക.
പിന്നാലെ എട്ട് മണിക്കൂർ ചർച്ച നടക്കും. അതേസമയം, കാര്യോപദേശക സമിതി യോഗം പ്രതിപക്ഷം ബഹിഷ്കരിച്ചു. എല്ലാ എം.പിമാർക്കും വിപ്പ് നല്കുമെന്ന് ഭരണപക്ഷം അറിയിച്ചു. മധുരയില് പാർട്ടി കോണ്ഗ്രസ് നടക്കുന്നതിനാവല് വഖഫ് ബില് ചർച്ചയില് സിപിഎം എംപിമാർ പങ്കെടുക്കില്ല.
ജെപിസിയിലൂടെ കടന്ന് ഭരണപക്ഷ എംപിമാരുടെ നിര്ദ്ദേശങ്ങള് മാത്രം ഉള്പ്പെടുത്തിയ വഖഫ് നിയമഭേദഗതി ബില്ലാണ് പാര്ലമെന്റിലേക്ക് എത്തുന്നത്. ചര്ച്ചക്ക് ശേഷം ബില് പാസാക്കും. പ്രതിപക്ഷം എതിർത്താലും ബില് പാസാക്കാനുള്ള അംഗസംഖ്യയുള്ളതിനാല് സര്ക്കാരിന് ആശങ്കയില്ല. ബില് ന്യൂനപക്ഷ വിരുദ്ധമാണെന്ന പ്രചാരണം കേന്ദ്രം തള്ളി. കെസിബിസിയും സിബിസിഐയുമൊക്കെ ബില്ലിനെ പിന്തുണച്ച് രംഗത്തെത്തിയത് കേന്ദ്രത്തിന് ആശ്വാസം നല്കുന്നതാണ്. അതേസമയം, എന്ഡിഎയിലെ പ്രധാന ഘടകക്ഷികളായ ജെഡിയുവും,ടിഡിപിയും രസ്യമായി നിലപാടറിയിച്ചിട്ടില്ല. ബില്ല് പാര്ലമെന്റിലെത്തുമ്ബോള് നിലപാട് വ്യക്തമാക്കുമെന്നാണ് ജെഡിയു നേതൃത്വം പറയുന്നത്.