ഇലോണ്‍ മസ്ക്കിന്‍റെ സ്പേസ് എക്സുമായി കരാർ ഒപ്പിട്ട് എയർടെല്‍. ഇന്ത്യയിലെ ഉപഭോക്താക്കള്‍ക്ക് സ്റ്റാർലിങ്കിന്‍റെ അതിവേഗ ഇന്‍റർനെറ്റ് സേവനങ്ങള്‍ എത്തിക്കുകയാണ് ലക്ഷ്യമെന്ന് എയർടെല്‍ മാനേജിംഗ് ഡയറക്ടറും വൈസ് ചെയർമാനുമായ ഗോപാല്‍ വിറ്റല്‍ പറഞ്ഞു.
നിയമപരമായി അനുമതി ലഭിച്ച ശേഷം സ്റ്റാർലിങ്ക് പ്രവർത്തനം തുടങ്ങും. ഗ്രാമീണ മേഖലയില്‍ ഇന്‍റർനെറ്റ് വിപ്ലവത്തിന് വഴി തെളിയിക്കുന്ന നീക്കമെന്ന് എയർടെല്‍ അവകാശപ്പെട്ടു. പ്രധാനമന്ത്രി നരേന്ദ്രമോദിയും ഇലോണ്‍ മസ്ക്കും ചർച്ച നടത്തി ആഴ്ചകള്‍ക്ക് ശേഷമാണ് നിർണായക ചുവടുവെപ്പ്.