കോട്ടയം : കേരളത്തിലെ പ്രമുഖ ഓൺലൈൻ വാർത്താ മാധ്യമമായ മലയാള ശബ്ദം ന്യൂസ് ചാനൽ വനിതാദിന പുരസ്കാരം ഏറ്റുമാനൂരപ്പൻ കോളേജ് വൈസ് പ്രിൻസിപ്പൽ ഡോ. മായാറാണി ഏറ്റുവാങ്ങി. വനം വികസന കോർപ്പറേഷൻ ചെയർപേഴ്സൺ ലതികാ സുഭാഷ് മായാറാണിയ്ക്ക് അവാർഡ് നൽകി ആദരിച്ചു.
അദ്ധ്യാപനരംഗത്ത് മൂന്ന് പതിറ്റാണ്ടുകൾ പൂർത്തിയാക്കി പതിനായിരക്കണക്കിന് ശിഷ്യസമ്പത്തുള്ള മാതൃകാ അധ്യാപികയാണ് ഡോ. മായാറാണി എന്ന് അദ്ധ്യക്ഷപ്രസംഗം നടത്തിയ ഏറ്റുമാനൂരപ്പൻ കോളേജ് പ്രിൻസിപ്പൽ ഹേമന്ദ് കുമാർ പറഞ്ഞു.
സമൂഹത്തിൽ ഇന്ന് ആകെ പരിഭ്രാന്തി പടർത്തുന്ന വർധിച്ച ലഹരി ഉപയോഗത്തിനും അക്രമ വാസനക്കും എതിരെ മലയാളശബ്ദം ഒരു വർഷം നീണ്ടു നിൽക്കുന്ന ക്യാംപെയ്ൻ ആരംഭിയ്ക്കുകയാണ്. ലഹരി വിരുദ്ധ ക്യാപയിൻ്റെ ലോഗോ പ്രകാശനം സാമൂഹ്യ പ്രവർത്തക നിഷ ജോസ് കെ മാണി നിർവഹിച്ചു.
ആശംസകളറിയിച്ച് ലോജിക് സ്കൂൾ ഓഫ് മാനേജ്മെന്റ് ബ്രാഞ്ച് ഹെഡ് ശ്യാംകുമാർ CMA സംസാരിച്ചു. മലയാള ശബ്ദം ചീഫ് എഡിറ്റർ അനൂപ് കെ.എം സ്വാഗതം ആശംസിച്ച ചടങ്ങിൽ കൃതജ്ഞത അറിയിച്ചത് ഡോ.അഗർവാൾസ് പിആർഒ അരുൺ എസ് ആണ്.
കഴിഞ്ഞ വർഷത്തെ ലൂമിനറി പുരസ്കാരം കോട്ടയം ജില്ലയിലെ 5 വനിത വിദ്യാലയങ്ങൾക്കായിരുന്നു. ഇതിനുമുൻപുള്ള വർഷങ്ങളിൽ യഥാക്രമം ജില്ലാ പഞ്ചായത്തംഗവും കെ.ഇ കോളേജ് അധ്യാപികയുമായിരുന്ന പ്രൊഫ. റോസമ്മ സോണി, മൗണ്ട് കാർമ്മൽ സ്കൂൾ പ്രധാന അധ്യാപിക സിസ്റ്റർ ജെയിൻ, അമൃത ഹൈസ്കൂൾ മൂലവട്ടം സ്കൂളിലെ അധ്യാപികയായ ആനി സിറിയക്, എസ്.എൻ.ഡി.പി.എച്ച്.എസ് കാഞ്ഞിരം സ്കൂളിലെ പ്രധാന അധ്യാപികയായിരുന്ന മോളി ജേക്കബ്എന്നിവരായിരുന്നു മുൻ വർഷങ്ങളിലെ പുരസ്കാര ജേതാക്കൾ