അമ്പലപ്പുഴ എടത്വാ ഒന്നാം വാര്‍ഡ് കൊടുപ്പുന്ന പുതുവല്‍ വീട്ടില്‍ ശ്രീനിവാസന്റെ മകന്‍ അഖില്‍ പി ശ്രീനിവാസന്‍ (29) ആണ് മരിച്ചത്.
ഒപ്പം കളിക്കാനുണ്ടായിരുന്ന ശരണ്‍ എന്ന യുവാവിന് പരിക്കേറ്റു, ഇയാളുടെ പരിക്ക് സാരമുള്ളതല്ല.
ഇന്ന് വൈകിട്ട് മൂന്നരയോടെയാണ് സംഭവം. എടത്വാ പുത്തന്‍വരമ്പിനകം പാടത്ത് കൂട്ടുകാര്‍ക്കൊപ്പം
ക്രിക്കറ്റ് കളിക്കുകയായിരുന്നു അഖില്‍.
ഫീല്‍ഡ് ചെയ്യുന്നതിനിടെ ഫോൺകോള്‍ വന്നു. ഫോണെടുത്ത് സംസാരിക്കവേ ശക്തമായ മിന്നലുണ്ടായി,ഇതേ സമയം തന്നെ ഫോണ്‍ പൊട്ടിത്തെറിക്കുകയായിരുന്നു.
അഖിലിന്റെ ചെവിയുടെയും തലയുടെയും നെഞ്ചിന്റെ ഭാഗത്തും ഗുരുതരമായി പൊള്ളലേറ്റു.
വണ്ടാനം മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല.