ലൈംഗികാവയവത്തില്‍ മെറ്റല്‍ നട്ട് കുടുങ്ങിയ 46 കാരനെ ഫയര്‍ഫോഴ്സ് രക്ഷിച്ചു. സംഭവം കാസർകോട് കാഞ്ഞങ്ങാടാണ്. അഗ്നിരക്ഷാ സേനാംഗങ്ങള്‍, കട്ടർ ഉപയോഗിച്ച്‌, ഒന്നര മണിക്കൂറോളം പരിശ്രമിച്ചാണ് അർധ രാത്രിയോടെ നട്ട് മുറിച്ചുനീക്കിയത്.
വാഷറിനും മറ്റും ഉപയോഗിക്കുന്ന ഒന്നര ഇഞ്ച് വ്യാസമുള്ള നട്ടാണ് കുടുങ്ങിയത്. സംഭവം ഉണ്ടായതിനു പിന്നാലെ യുവാവ് കാഞ്ഞങ്ങാട് ജില്ലാ ആശുപത്രിയില്‍ ചികിത്സ തേടിയിരുന്നു. എന്നാല്‍ ഫലമില്ലാതായപ്പോള്‍, ഡോക്ടർ ഫയർഫോഴ്‌സിനെ വിളിക്കുകയായിരുന്നു. മൂത്രമൊഴിക്കാൻ പോലും ഇയാള്‍ക്ക് പ്രയാസമുണ്ടായിരുന്നു.
ചൊവ്വാഴ്ച രാത്രി എട്ട് മണിയോടെയാണ് ഇയാള്‍ ആശുപത്രിയില്‍ എത്തിയത്. മദ്യലഹരിയില്‍ ബോധമില്ലാതിരുന്നപ്പോള്‍ അജ്ഞാതരാണ് നട്ട് കയറ്റിയതെന്നാണ് യുവാവ് പറഞ്ഞത്. നട്ട് കുടുങ്ങിയിട്ട് രണ്ട് ദിവസം കഴിഞ്ഞിട്ടുണ്ടാവാമെന്ന് അഗ്നിരക്ഷാ സേന ഉദ്യോഗസ്ഥർ പറഞ്ഞു. നട്ട് മുറിക്കുമ്ബോള്‍ ചൂടാകുന്നതിനാല്‍, ക്ഷതം ഏല്‍ക്കാൻ സാധ്യതയുണ്ടായിരുന്നു. അതുകൊണ്ടുതന്നെ വെള്ളമൊഴിച്ച്‌, തണുപ്പിച്ചാണ് നട്ട് മുറിച്ചത്. ലൈംഗികാവയവത്തില്‍ കുടുങ്ങിയ നട്ട് ഊരാനായി ഇയാള്‍ രണ്ട് ദിവസത്തോളം സ്വയം ശ്രമിച്ചെങ്കിലും സാധിക്കാതിരുന്നതാണ് ആശുപത്രിയിലെത്താനുള്ള കാരണം.