കോട്ടയം: തിരുനക്കര ദേശനാഥന്റെ ഉത്സവത്തിമിർപ്പിൽ മുങ്ങിയിരിക്കുകയാണ് കോട്ടയം. മാർച്ച് 15ന് കൊടിയേറി 24ന് ആറാട്ടോടുകൂടിയാണ് ഉത്സവം സമാപിക്കുന്നത്.
നാലാം ഉത്സവദിനമായ ഇന്ന് തിരുവരങ്ങിൽ വൈകീട്ട് 7 മുതൽ പാലാ സൂപ്പർ ബീറ്റ്സിന്റെ ഗാനമേള. ഇന്നത്തെ ഗാനമേള സ്പോൺസർ ചെയ്തിരിക്കുന്നത് കോട്ടയം അച്ചായൻസ് ഗോൾഡാണ്. സ്റ്റാർ സിംഗർ താരങ്ങളായ ശ്രീരാഗ് ഭരതനും നന്ദ ജെ ദേവനുമാണ് ഗാനമേള നയിക്കുന്നത്. മൂന്നാം ഉത്സവദിനമായിരുന്ന ഇന്നലെത്തെ കഥകളി മഹോത്സവത്തിന് ഗംഭീര സ്വീകരണമായിരുന്നു ലഭിച്ചത്.
മാർച്ച് 21 വെള്ളിയാഴ്ച്ച തിരുനക്കര പകൽപ്പൂരം. 22 ഗജവീരന്മാരാണ് പൂരത്തിന് അണിനിരക്കുന്നത്. പത്മശ്രീ പെരുവനം കുട്ടൻ മാരാരും 111 ൽപ്പരം കലാകാരന്മാരും പങ്കെടുക്കുന്ന സ്പെഷ്യൽ പഞ്ചാരിമേളം പൂരത്തിന് കൊഴുപ്പേകും.