'ഡല്‍ഹിയിലെ അടുത്ത മുഖ്യമന്ത്രി ആ ചില്ലുകൊട്ടാരത്തില്‍ താമസിക്കില്ല' വീരേന്ദ്ര സച്ച് ദേവ പറഞ്ഞു. കൂട്ടിയെടുത്ത സ്ഥലം എന്തുചെയ്യണമെന്ന് പുതിയ സര്‍ക്കാര്‍ ആലോചിച്ച് തീരുമാനിക്കുമെന്ന് അദ്ദേഹം പറഞ്ഞു. 2015 മുതല്‍ 2024 ഒക്ടോബര്‍ വരെ ഡല്‍ഹി മുഖ്യമന്ത്രിയായിരുന്ന അരവിന്ദ് കെജരിവാളിന്റെ ഔദ്യോഗിക വസതിയായിരുന്നു പുതുക്കിപ്പണിത ബംഗ്ലാവ്. ബിജെപിയുടെ അഴിമതി ആരോപണങ്ങളെത്തുടര്‍ന്ന് മുഖ്യമന്ത്രി സ്ഥാനം രാജിവച്ചതിന് പിന്നാലെ അദ്ദേഹം ഔദ്യോഗിക വസതി ഒഴിഞ്ഞിരുന്നു. അതേസമയം, ആഡംബരമായി പുതുക്കി പണിത മുഖ്യമന്ത്രിയുടെ ഔദ്യോഗിക വസതിക്ക് ചില്ലുകൊട്ടാരമെന്ന പേരിട്ട് തെരഞ്ഞെടുപ്പില്‍ ബിജെപി വന്‍ പ്രചാരണായുധമാക്കി. അത് തെരഞ്ഞെടുപ്പില്‍ ലക്ഷ്യം കാണുകയും ചെയ്തു.
ഡല്‍ഹി നിയമസഭാ തെരഞ്ഞെടുപ്പില്‍ 70ല്‍ 48 സീറ്റ് നേടിയാണ് പതിനഞ്ചുവര്‍ഷത്തെ ആം ആദ്മി പാര്‍ട്ടി ഭരണം അവസാനിപ്പിച്ച് ബിജെപി പിടിച്ചത്. 27 വര്‍ഷത്തിനുശേഷമാണ് രാജ്യതലസ്ഥാനം വീണ്ടും ബിജെപി ഭരിക്കുന്നത്.