കോട്ടയം: സഹോദര സേവാസമിതിയുടെ നേതൃത്വത്തിൽ 16-ാമത് കെആർ നാരായണൻ എവറോളിങ് ട്രോഫിക്കായുള്ള അഖിലകേരള ചിത്രരചനാ മത്സരവും പത്താമത് എപിജെ അബ്ദുൾ കലാം സ്മാരക ക്വിസ്സ് മത്സരവും ജനുവരി 19 ഞായറാഴ്ച നടത്തപ്പെടുന്നു. കുടമാളൂർ ഗവ.എച്ച്.എസ്.എസിൽ വെച്ച് നടത്തപ്പെടുന്ന മത്സരങ്ങളുടെ ഉദ്ഘാടനം നിർവഹിക്കുന്നത് കോട്ടയം കളക്ടർ ജോൺ വി സാമുവൽ ആണ്. രാവിലെ 10 മുതൽ ആരംഭിക്കുന്ന മത്സരങ്ങളിൽ നേഴ്സറി, എൽപി വിഭാഗങ്ങൾക്കായി രാവിലെയും ഉച്ചയ്ക്ക് ശേഷം യു.പി, എച്ച്.എസ് വിഭാഗങ്ങൾക്കായിട്ടുമാണ് നടത്തപ്പെടുന്നത്. ഉച്ചകഴിഞ്ഞ് 2.30ന് ആരംഭിക്കുന്ന അനുസ്മരണ സമ്മേളനവും അനുമോദന സമ്മാനദാനവും ഉദ്ഘാടനം ചെയ്യുന്നത് തുറമുഖ-സഹകരണ വകുപ്പ് മന്ത്രി ശ്രീ. വി.എൻ വാസവൻ ആണ്.