യുവാവിനെ കുത്തിക്കൊന്ന കേസില്‍ 14 വയസുകാരൻ കസ്റ്റഡിയില്‍. രാത്രി 8.45 നുണ്ടായ സംഭവത്തില്‍ തൃശൂർ പാലിയം റോഡ് സ്വദേശി ലിവിൻ (30) ആണ് കൊല്ലപ്പെട്ടത്.
പതിനഞ്ചും പതിനാറും വയസുള്ള കുട്ടികളാണ് കുത്തിയതെന്ന് പോലീസ് പറഞ്ഞു. തൃശൂർ ജില്ലാ ആശുപത്രിക്ക് മുന്നില്‍ തേക്കിൻകാട് മൈതാനിയില്‍ ഇരിക്കുകയായിരുന്ന കുട്ടികളുമായി ലിവിൻ തർക്കത്തില്‍ ഏർപ്പെടുകയായിരുന്നു.
പിന്നാലെ കൈയിലുണ്ടായിരുന്ന കത്തിയെടുത്ത് കുട്ടികള്‍ ലിവിനെ കുത്തുകയായിരുന്നു. ഈസ്റ്റ് പോലീസ് സ്ഥലത്ത് എത്തി. മൃതദേഹം ജില്ലാ ആശുപത്രി മോർച്ചറിയിലേക്ക് മാറ്റി.
മദ്യലഹരിയില്‍ ലിവിൻ തന്നെ ആക്രമിക്കുകയായിരുന്നു വെന്ന് 14 വയസുകാരൻ പോലീസിന് മൊഴി നല്‍കി.